कांग्रेसले गरायो दल दर्ता

साउन ३१, २०७९ मंगलबार १७:५१:१ | उज्यालो सहकर्मी

काठमाण्डाै – सत्तारूढ प्रमुख दल नेपाली कांग्रेसले निर्वाचन आयोगमा दल दर्ता गरेको छ । आउँदाे मङ्सिर ४ गते हुने प्रतिनिधि सभा र प्रदेश सभा चुनावका लागि आज मङ्गलवार आयोगमा पुगेर कांग्रेसले दल दर्ता गरेको हो ।

दल दर्ताका लागि कांग्रेस उपसभापति धनराज गुरुङसहितका नेताहरू निर्वाचन आयोग पुगेका थिए । आयोगले साउन २२ देखि ३१ गतेसम्मका लागि दल दर्ताको समय दिएको थियो । आउँदाे चुनावका लागि लगभग सबै दलले आयोगमा दल दर्ता गराइसकेका छन् । आयोगले आज ५ बजेसम्मका लागि दल दर्ता गर्नसक्ने बताएको थियो । आयोगले दुई वा दुईभन्दा बढी दल एउटै चुनाव चिह्नबाट लड्न चाहेमा आजसम्म दल दर्ता गर्ने समय दिएको थियो ।

दल दर्ता गरेपछि सञ्चारकर्मीसँग बोल्दै उपसभापति गुरुङले कांग्रेसले चुनावका लागि अधिकतम सिट खोज्ने तर सहमतिबाट तालमेल गरेर जाने बताउनुभयो । उहाँले सहअस्तित्व र सहकार्यका साथ अघि बढ्ने प्रतिबद्धताअनुसार नै सबैलाई समेट्ने बताउनुभयो । सबैलाई समेटेर जाने क्रममा धेर–थोरमा चित्त बुझाउनुपर्ने उहाँकाे भनाइ छ ।

उपसभापति गुरुङले पार्टीभित्र सिट बाँडफाँटमा न्यायोचित व्यवस्थापन गर्नेबारेमा छलफल भइरहेको बताउनुभयो । उहाँले कांग्रेसभित्र धेरै सक्षम नेता भएकोले सबैलाई व्यवस्थापन गर्न गाह्रो भए पनि हेर्दा, देखिँदा र सुन्दा न्यायोचित भएको अनुभूति गराउने प्रतिबद्धता जनाउनुभयो ।

यसैबीच उहाँले नेकपा (माओवादी केन्द्र) को चुनाव चिह्न लिएर नेपाल समाजवादी र राष्ट्रिय एकता अभियानका नेताहरू चुनावमा प्रतिस्पर्धा गर्ने कुराले गठबन्धनको भागबन्डामा असर नपर्ने बताउनुभयो । उहाँले गठबन्धन दलभित्रका दलसँग मिल्न आउने अन्य दलले खासै असर नपार्ने बताउनुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्