दसैँको सामान बोक्ने गाडीका कारण कलंकीदेखि धार्केसम्म दिनहुँ जाम

 असोज ११, २०७५ बिहीबार ८:१३:४९ | उज्यालो सहकर्मी
unn.prixa.net

काठमाडौं – नागढुंगा हुँदै काठमाडौं ओहोरदोहोर गर्ने यात्रु र चालकले केही दिनदेखि सास्ती भोग्दै आएका छन् । कलंकीदेखि धार्केसम्म ठाउँठाउँमा लामो जाम हुँदा यात्रु र चालकले सास्ती भोग्नु परेको हो । 

एकघण्टाको बाटो पार गर्न ५/६ घण्टासम्म लाग्ने गरेको छ । आज पनि यही समस्या दोहोरिएको छ ।

ट्राफिक प्रहरीका अनुसार ठूला मालवाहक ट्रक र लरीका कारण काठमाडौंको कलंकीदेखि धादिङको धार्केसम्म जाम हुने गरेको हो । दसैँका लागि सामान ढुवानी गर्न काठमाडौँ आउने नेपाली र भारतीय लरीका कारण ६ दिनदेखि ट्राफिक जाम बढेको महानगरीय ट्राफिक प्रहरी कार्यालय नागढुंगाले जनाएको छ ।

 

दिनहुँ झण्डै डेढसय लरी ओहोरदोहोर गर्ने गरेकाले यात्रु १२ घण्टासम्म जाममा बस्नुपरेको ट्राफिक प्रहरीले जनाएको छ । निकै ठूला गाडी घुमाउरो बाटोमा बिस्तारै गुड्ने र केही ठाउँमा रोकिने भएका कारण जाम बढेको हो । 

सामान बोकेका ठूला गाडीलाई यात्रु बसले घुमाउरो र उकालो सडकमा ओभरटेक गर्न नसक्ने भएकाले जाममा बस्नुको विकल्प नभएको प्रहरीको भनाई छ । केही दिन पहिले धादिङको खानीखोलामा लरीलाई रोकिएको भएपनि सबै लरीलाई पार्किङ गर्ने ठाउँ नभएका कारण चल्न दिइएकाले जाम हुँदा यात्रुले सास्ती पाइरहेका छन् ।  

अन्तिम अपडेट: फागुन २६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Arjun

    Sept. 28, 2018, 11:38 a.m.

    भारतीय लरी ट्रकलाई काठमाडौमा प्रबेश निषेध गरिनु पर्छ/

  •  0 Reply

तपाईको प्रतिक्रिया

समाचार

लोकप्रिय

१

तोसिमा कार्कीको उम्मेदवारी खारेज गर्ने निर्वाचन आयोगको निर्णय सर्वोच्चद्वारा बदर

२

अमेरिका–युक्रेन शान्ति वार्ताअघि मस्कोमा ठूलो ड्रोन आक्रमण : रुस

३

म्याराडोनाको निधनको ४ वर्षपछि उनको मेडिकल टोलीमाथि मुद्दा चलाइँदै

४

शेयर बजार लगातार साताैं दिन घट्याे, विकास बैंकबाहेक सबै समूहकाे शेयर ओरालाे लाग्याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई