स्थानीयबासिन्दाले प्रदर्शन रोकेपछि कलंकी–नागढुंगा सडकमा गाडी चल्न थाल्यो

असोज १२, २०७५ शुक्रबार ११:१३:३५ | उज्यालो सहकर्मी

काठमाडौं – ढुंगेअड्डाका बासिन्दाले केहीबेरको लागि प्रदर्शन रोकेपछि अहिले चापमा गाडी चलिरहेका छन् । सडक मर्मतको माग गर्दै काठमाडौं ढुंगेअड्डाका बासिन्दा प्रदर्शनमा उत्रिएपछि उपत्यकाबाहिर जाने र भित्रनेसहित उपत्यकाको आवागमन प्रभावित भएको हो ।

अहिले कलंकी हुँदै उपत्यका बाहिर जाने र भित्रने गाडी चापमा चलिरहेको ट्राफिक प्रहरीले जनाएको छ । सडक मर्मत नभएका कारण धुलोले बस्न नसकेको भन्दै स्थानीयबासिन्दा प्रदर्शनमा उत्रिएका हुन् ।

ढुंगेअड्डाका बासिन्दाले बिग्रिएको सडक मर्मतको प्रतिवद्धता जनाउन ठेकेदार आफैं आउनुपर्ने वा सडक विभागका कर्मचारी आउनुपर्ने माग पनि गरेका छन् । तर दुई निकायले एकअर्कालाई देखाउँदै पन्छिएपछि ट्राफिक व्यवस्था अस्तव्यस्त बनेको हो ।

यसअघि बिहान नागढुंगा नौबिसे सडकखण्डमा पर्ने खत्रीपौवा र कलंकी नागडुंगा सडकखण्डमा पर्ने सतुंगलमा गाडी बिग्रिएपछि काठमाडौंको कलंकीदेखि धादिङको नौबिसे सम्मै जाम भएको थियो ।

अहिले जाम बढेको छ । सडकमा भएका खाल्डाखुल्डीसँगै गाडी बिग्रंदा यो सडकखण्डमा दिनहुँ लामो जाम हुन थालेको छ । दसैँको लागि यात्रु भित्रने र बाहिरिने हुँदा गाडी बढ्दै गएको पनि ट्राफिक प्रहरीले जनाएको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्