गगन थापाकाे गुनासाे – डेङ्गी नियन्त्रणमा तीन वटै सरकार गम्भीर भएनन्

असोज ४, २०७९ मंगलबार १७:४९:१६ | उज्यालो सहकर्मी

काठमाण्डाै – नेपाली कांग्रेसका महामन्त्री गगनकुमार थापाले महामारीको रूपमा फैलिएको डेङ्गी नियन्त्रणका लागि सरकारले चालेका कदमप्रति असन्तुष्टि व्यक्त गर्नुभएको छ ।

मङ्गलवारदेखि काठमाण्डाैमा सुरु भएको नेपाल चिकित्सक सङ्घको दोस्रो राष्ट्रिय सम्मेलनमा बोल्दै पूर्व स्वास्थ्यमन्त्री समेत रहनुभएका थापाले पालिकाले समेत डेङ्गी महामारी नियन्त्रणका लागि प्राथमिकता दिन नसकेको गुनासो गर्नुभयो । कोभिडपछि पर्याप्त मात्रामा स्वास्थ्य क्षेत्रमा बजेटको व्यवस्था गरे पनि सरकारले आपत्कालका बेला रोग नियन्त्रणका लागि आवश्यक संरचना भने निर्माण गर्न नसकेको उहाँको भनाइ थियो । डेङ्गी नियन्त्रणका लागि तीन वटै तहका सरकारले गम्भीरतापूर्वक काम गर्नुपर्ने उहाँले बताउनुभयो ।

उहाँले भन्नुभयो, ‘कोभिडबाट अहिले डेङ्गीको बेलामा आउँदासम्म हामीले धेरै कुरा सिक्न सकेनछाैँ । डेङ्डी नियन्त्रण गर्ने काम स्वास्थ्य मन्त्रालयकाे मात्रै विषय हाेइन, स्थानीय सरकारले पनि तयारी थाल्नुपर्छ र प्राथमिकताका राख्नुपर्छ । हामीसँग आपत्कालीन समयमा काम गर्ने संरचना छ कि छैन ? यो काठमाण्डाैमा मात्रै सीमित नभएर देशभर फैलने क्रममा छ । कोभिडबाट सिकेर सरकारले आवश्यक तयारी नगरेको देखियो । कोभिडलगत्तै नेपाल सरकारको निर्णय, त्यति बेलाको बजेट आदिलाई हेर्ने हो भने पनि सरकारले स्वास्थ्य संरचनाको निर्माणमा खासै चासो दिएकाे देखिएन वा सिक्न चाहेन ।’

महामन्त्री थापाले रोग लाग्नै नदिने गरी स्वास्थ्य क्षेत्रमा सचेतना जगाउने गरी राजनीतिक दलहरूले पनि आउँदाे चुनावकाे एजेन्डा बनाउनुपर्नेमा जोड दिनुभयो ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गगन थापाकाे गुनासाे – डेङ्गी नियन्त्रणमा तीन वटै सरकार गम्भीर भएनन्

फाइल तस्बिर

तपाईको प्रतिक्रिया