‘बाटो नहेर्नु है आमा परदेशी छोराको, खाली निधार लिएर म डिउटी हिँडेको’

असोज १०, २०७९ सोमबार १५:९:१० | मेरो कथा मेरो भोगाई

क्षत्र लकाई खड्का/मोरङ, दुलारी हाल मलेसिया ।

नमुछे आमा दहीमा टीका नछरे जमरा

दैवले पर्दा उठायो आमा आउँदिन फर्केर...

हरेक वर्ष दसैँ तिहार नजिकिँदा मलाई यही गीतले रुवाउँछ । किनकि यो गीतले म परदेशीको व्यथालाई बोकेको छ ।

देशमा चाडबाड आउँदा मलेसियामा सुरक्षा गार्डको काममा खटिन पर्दा मेरी आमालाई सम्झँदै म यही गीत गुनगुनाउँछु । जब जब दसैँ आउँछ तब तब आफू परिवारसँग सँगै भएर चाडबाड मनाउँदाको यादले सताउँछ । यता उता हेर्छु म मात्रै होइन नि यहाँ त यस्तै दुःखमा परेका लाखौँ युवाहरू छन् जो सुन्दर भविष्यको कल्पनामा मजस्तै घर परिवारदेखि टाढा रहेर काम गरिरहेका छन् । यो देख्दा त चित्त बुझ्छ । तर अघिपछि भन्दा चाडबाडको बेलामा छटपटी छुट्टै हुन्छ । आमालाई सम्झँदा मन भारी हुन्छ ।

बाटो नहेर्नु है आमा परदेशी छोराको,

वर्षौँ भयो परदेशमै बितेको,

खाली निधार लिएर म डिउटी हिँडेको ।

१२ घण्टा ३० दिन डिउटी छदै छ यहाँ त । आफ्नै गाउँघरमा हुँदा कति रमाइलो हुन्थ्यो । के गर्नु आमा बाध्यताले छोरालाई परदेशी बनायो । मलाई सम्झेर नरुनु है आमा मूलबाटो हेरेर । फर्की आउने छु अर्को दसैँमा खुसी लिएर ।

ज्यान जहाँ भए पनि मन उडेर गाउँघरमै आइसकेकाे छ । अर्काे साल ज्यान पनि आउन पाउने छ भन्ने आशा छ । मेरो परिवार, मेरो आफन्त, मेरा साथीभाइ तपाईँहरू सबैलाई यो बडा दसैँ २०७९ को मङ्गलमय शुभकामना व्यक्त गर्न चाहन्छु ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

मोहन गौली
Sept. 26, 2022, 5:30 p.m.
हामी परदेशीको यो दर्दनाक पिडालाई बुझ्ने सरकार अहिलेसम्म पाउन सकिएन यो अर्को पिडा । युवा शक्ति बिदेश पलाएन, रेमिटान्सले आकाश छुदैन आगामी दिनहरुमा देश बर्बादी तिर धकेलिदै छ, दु:ख लाग्छ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
ओम पाण्डे
Sept. 26, 2022, 4:35 p.m.
परदेशीको पीडा।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘बाटो नहेर्नु है आमा परदेशी छोराको, खाली निधार लिएर म डिउटी हिँडेको’

2 Comments

मोहन गौली

तपाईको प्रतिक्रिया

ओम पाण्डे

तपाईको प्रतिक्रिया

तपाईको प्रतिक्रिया