परदेशीको दशैँ सम्झना : सबैसँगको भेटघाट, टीका जमरा, पिङ र खानेकुराको असाध्यै याद आउँछ

 असोज १२, २०७९ बुधबार १४:५६:३४ | मेरो कथा मेरो भोगाई
unn.prixa.net

काठमाण्डौ – कमाउन परदेश गएकाहरू सकेसम्म चाडबाडका बेला स्वदेश फर्किने प्रयास गर्छन् । तर सोचेजस्तो हुँदैन । कतिलाई कम्पनीले बिदा दिँदैन त कतिपयलाई चाडबाडकै बेलामा विदेश उड्नु पर्ने बाध्यता पनि हुन्छ । कतिपय श्रमिक भने आफ्नै समस्याले गर्दा मनले चाहे पनि स्वदेश फर्कन सक्दैनन् । यस्तो अवस्थामा आफू स्वदेश हुँदा मनाएको दशैँसम्झँदै मन बुझाउन पर्ने हुन्छ ।

देशमा जस्तो चाडबाड हुँदैन परदेशमा

कमला पाण्डेय तिवारी, इजरायल । 

यसै पनि परदेश लागेपछि घरमा जस्तो चाडपर्व मनाउन सम्भव हुँदैन । एक त परिवारसँग टाढा रहनुपर्दा मनले मान्दैन । तर पनि साथीभाइ मिलेर यसो पीडा भुलाउने कोसिस भने गर्छौ । तर परिवारभन्दा टाढा रहेर जति नै जे गरे पनि मन खल्लो हुन्छ ।

घरमा ठुलाबडाबाट टीका निधारमा लगाएर आशीर्वाद थप्नुको खुसी भिन्नै हुन्छ । आफूभन्दा सानालाई आशीर्वाद दिँदाको क्षण सम्झँदा पनि मन फुरुङ्ग हुन्छ । घरमा छँदा मनाइने दशैँकाे रमाइलोलाई परदेशको कुनै पनि कुरासँग तुलना गर्न सकिँदैन । तर के गर्नु परिस्थिति जस्तो भए पनि चित्त बुझाउनु बाहेक अन्य विकल्प हुँदैन परदेशीसँग । 

चाडबाड सम्झँदा आँसु खस्छ

सञ्जीव महतो, यूएई । 

मेरो नेपालको घर सिराहा  हो । सबैभन्दा पहिला त सबै जनालाई बडादशैँकाे शुभकामना । विदेशमा नेपालमा जस्तो दशैँ हुँदैन । चाडबाड मनाउन गाउँ जान्छु भनेर कोसिस गर्दा गर्दै पनि सधैँ सम्भव नहुने रहेछ । नेपालमा छुट्टै रमाइलो हुन्छ । साथीभाइसँग भेट्न, परिवारसँग बस्ने । साथीभाइहरू कहाँ कहाँबाट आउनुभएको हुन्छ ।

सबैजसोलाई भेट्ने यही मौका पनि हो । तर के गर्नु आफ्नो दुःख टार्न परदेशी हुनै पर्‍यो । देशमा हुँदाको रमाइलो सम्झँदा त अहिले परदेशमा आशु नै झर्छ । चाडबाडका बेलामा घर परिवारको सम्झनाले असाध्यै सताउँछ ।

परिवारबाट टाढा भएर परदेशमा काम गर्दा अलिअलि पैसा कमाए पनि मन भने परिवारको साथमा हुँदाजस्तो खुसी हुँदैन । पलपल कठिन हुन्छ । दशैँमात घर आउन सकिनँ । अब छटमा जाने कोसिसमा छु । 

निधार भरी लगाइने टीकाको खुब याद आउँछ

प्रकाश पाण्डेय, यूएई । 

देशमा दशैँकाे रौनक सुरु भएपछि मलाई परदेशमा रहेर निधार भरी लगाएको टीकाको याद आउँछ ।  स्वदेशमा मनाइने दशैँ भनेको परिवारको खुसी हो । परदेश लाग्नुभन्दा पहिला मानेको दशैँ सम्झने हो भने आँखा रसाई हाल्छन् ।

मरुभूमिमा बस्ने हाम्रो आफ्नै बाध्यता हुँदो रहेछ । तर गाउँमा छदा जब दशैँ आउँछ तब नवदुर्गा भवानीको पूजा दशमीको दिन सबै जना भेला भएर लगाएको टीका र जमराको स्थान त यहाँ कमाएको हजारले कहाँ लिन सक्छ र । तर घरको चुलो बाल्नकै लागि भए पनि परदेसिनु पर्ने बाध्यता छ । तर यहाँ मैले पसिना बगाउँदा परिवारमा छाएको खुसी हेरेरै चित्त बुझाउँछु । 

दशैँआयो भन्दै खसी ढालेका दिनहरू मनै भरी छ

रमेश पाण्डेय, पोर्चुगल ।

हामी आफ्नो गाउँ ठाउँ छाडेर परदेश रहरले हैन बाध्यताले नै आएको हो । जब देशमा चाडबाड आउँछ तब परदेशमै भए पनि दशैँका सम्झना आँखै भरी मनै भरी नाच्छ ।

दशैँ आयो भन्दै खसी बोका काटेको, जमरा टीका लगाएर गाउँमा ठुलाबडासँग आशीर्वाद लिएको अनि आफूभन्दा सानालाई टीका लगाइदिएर दक्षिणा दिएको त्यो क्षण अहिले सम्झँदा पनि खुब रमाइलो लाग्छ । कान भरी जमरा, निधार भरी टीका लगाएर अब फेरि कहिले गाउँ गाउँ डुल्ने होला । सम्झँदा पनि अत्यास लाग्छ । 

दशैँमा घरमा पाक्ने खानेकुरा सम्झन्छु

ईश्वर​ घिमिरे, कतार ।

हुन त ज्यान यति बेला खाडीको देश कतारमा छ । यहाँ न दशैँ छ न त कुनै रौनक । तर सामाजिक सञ्जाल हेर्दा मन भने गाउँघरमै पुगेको छ । दशैँमा घर आउन नपाउँदा मन दुखेको छ । तर बाध्यताले सधैँ आफ्नो इच्छा चाहना पूरा हुन नदिने रहेछ ।

परदेश लागेदेखि नै आफूले चाहेको बेलामा घर जान पाएको छैन । त्यसैले पनि जब चाडबाड आउँछ तब गीत सुन्छ । गीतको मिठो धुन र शब्दले पनि गाउँघरमै पुर्‍याउँछ । घरमा दशैँ मनाउँदा डालाभरि सेल रोटी ,अर्सा झिनिया, चीनी रोटी र  विभिन्न परिकार पाक्थें ।

साथमा पक्कु लगाएको मासु पनि हुन्थ्यो । खानेकुरा सँगसँगै अर्को महत्त्वपूर्ण कुरा भनेको परिवारसँगै हुनु हो । यहाँ त साथीभाइ यसो मिलेर रमाइलो गरे पनि देशमा भएजस्तो कहाँ हुन्छ र । तर पनि रमाएजस्तो गर्नुबाहेक हामी परदेशीसँग विकल्प नै के हुन्छ र । 

प्रस्तुती : नारायण कोइराला ।

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Ramesh Pandey

    Sept. 28, 2022, 8:25 p.m.

    Thank you information share gardinu vayeko ma..Ujyalo Midea ani Narayan Koirala ji...

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई