रुकुम पूर्वमा ८ जनाको उम्मेदवारी फिर्ता

असोज २६, २०७९ बुधबार १८:४१:५० | राजु लामिछाने

रुकुम पूर्व – मङ्सिर ४ गते हुने प्रतिनिधि सभा र प्रदेश सभा सदस्य चुनावका लागि रुकुम पूर्वमा उम्मेदवारी दिएकामध्ये आठ जनाले उम्मेदवारी फिर्ता लिएका छन् ।

मुख्य निर्वाचन अधिकृतको कार्यालयले सार्वजनिक गरेको अन्तिम नामावलीअनुसार उम्मेदवारी फिर्ता लिनेहरूमा प्रदेश निर्वाचन क्षेत्र (क) बाट उम्मेदवारी दिनुभएका माओवादी केन्द्रका रामसुर बुढा मगर र संगम रोका मगर, ओमकुमारी शाही (मल्ल) र कालिप्रसाद रोका हुनुहुन्छ ।

यसैगरी प्रदेश निर्वाचन क्षेत्र (ख) बाट प्रदेश सभा सदस्यका लागि उम्मेदवारी दिनुभएका माओवादीका गजेन्द्रबहादुर ओली, दलप्रसाद कामी, कांग्रेसका भीमबहादुर खड्का र स्वतन्त्र उम्मेदवार सुरेश थापाले उम्मेदवारी फिर्ता लिनुभएको मुख्य निर्वाचन अधिकृतको कार्यालयले जनाएको छ ।

एउटा निर्वाचन क्षेत्र रहेको जिल्लाको प्रतिनिधि सभामा सत्ता गठबन्धनको तर्फबाट नेकपा माओवादी केन्द्रकी पूर्णबहादुर घर्ती उम्मेदवार हुनुभएको छ । प्रतिनिधि सभा सदस्यका लागि नेकपा एमालेको तर्फबाट कैलाशकुमार मल्ल, राप्रपाका खिमबहादुर खत्री, मंगोल नेशनल अर्गनाइजेसनबाट रतनबहादुर बुढा, नेश्नलिस्ट पिपल्स पार्टीको तर्फबाट बलबहादुर बुढा र स्वतन्त्रबाट चन्द्रराज झाँक्रीकाे उम्मेदवारी परेकाे छ ।

यस्तै प्रदेश सभा निर्वाचन क्षेत्र नम्बर (क) मा माओवादी केन्द्रका तेजबहादुर ओली र निर्वाचन क्षेत्र नम्बर (ख) मा नेपाली कांग्रेसका धनबहादुर केसी उम्मेदवार हुनुहुन्छ ।

नेकपा एमालेले प्रदेश सभातर्फ निर्वाचन क्षेत्र नम्बर (क) मा तेजेन्द्र बुढा र निर्वाचन क्षेत्र नम्बर (ख) मा भावना बुढाथोकी, राष्ट्रिय प्रजातन्त्र पार्टीले प्रदेश सभा निर्वाचन क्षेत्र नम्बर (ख) मा केशवचन्द समाल (मदन शाह) लाई उम्मेदवार बनाएको छ । निर्वाचन क्षेत्र नम्बर (क) मा भने राप्रपाले उम्मेदवारी दिएको छैन । मंगोल नेसनल अर्गनाइजेसनबाट प्रदेश सभा निर्वाचन क्षेत्र नम्बर (क) मा पुरा पुन र निर्वाचन क्षेत्र नम्बर (ख) मा लेखन बुढालाई उम्मेदवार बनाएको छ ।

स्वतन्त्र तर्फबाट उम्मेदवारी दर्ता गराएका प्रतिनिधि सभा सदस्यमा चन्द्रराज झाँक्री मगर, प्रदेश सभा (क) मा सुरुल पुन मगर र दुतकुमार पुन मगर, प्रदेश (ख) मा केशव रावल, नरहरि खड्का, पूर्णजङ सिंहको भने उम्मेदवारी कायमै रहको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्