मलेसियाबाट घर आउने अनुमति त बन्यो तर परिवारसँग सम्पर्क नहुँदा टिकट भएन

असोज २८, २०७९ शुक्रबार १०:५८:४० | रामकुमार थापा

धादिङ – वैदेशिक रोजगारीको सिलसिलामा मलेसियामा पुग्नुभएका धादिङको खनियाबास गाउँपालिका २ झार्लाङका बुद्धिमान तामाङको परिवार पहिचान गर्न समस्या भएको छ ।

प्रवासी नेपाली समन्वय समिति पीएनसीसीका अनुसार रोजगारीको सिलसिलामा मलेसियामा समस्यामा पर्नुभएका बुद्धिमानको घर धादिङको खनियाबास गाउँपालिका २ झार्लाङ भन्ने पहिचान भए पनि त्यहाँ रहेका उहाँको परिवार पहिचान गर्न नसक्दा उहाँको स्वदेश फिर्तीमै समस्या भएको छ ।

कागजातविहीन भएर मलेसियामा काम गरेका कारण पक्राउ पर्नुभएका उहाँको मलेसियाबाट नेपाल फिर्तीका लागि त्यहाँ रहेको नेपाली दूतावासले यात्रा अनुमति पत्र पनि बनाइसकेको छ । तर परिवारसँग सम्पर्क नहुँदा टिकटको भने समस्या भएको छ । परिवारको खोजीका लागि दूतावास र पीएनसीसी दुवैले संयुक्त रूपमा पहल भने गरिरहेको जनाएको छ ।

धादिङको नीलकण्ठ नगरपालिकाद्वारा सञ्चालित सुरक्षित आप्रवास कार्यक्रम अन्तरगत आप्रवासी श्रोत केन्द्रले पनि घर परिवार पहिचानको लागि पहल गरिरहेको छ । तर अहिलेसम्म परिवारसँग सम्पर्क हुन सकेको छैन ।

घरपरिवार पहिचान गर्नको लागि गाउँपालिकाका अध्यक्ष लगायत वडा अध्यक्ष र जनप्रतिनिधिहरूसँग समन्वय भइरहेको आप्रवासी श्रोत केन्द्रका सूचना तथा परामर्शदाता विनोद ढकालले जानकारी दिनुभयो । धादिङको उत्तरी विकट क्षेत्रमा भएकाले पनि बुद्धिमानको परिवारलाई सम्पर्क ल्याउनको लागि समस्या भएको हो ।

बुद्धिमान लामो समयदेखि मलेसियामा कागजात विहीन भएर काम गरिरहनुभएको थियो । पछिल्लो समय कागजातविहीन भएर काम गरेकै कारण उहाँलाई मलेसियन प्रहरीले पक्राउ गरेको थियो ।

अहिले मलेसियाबाट घर फर्कांउनका लागि उहाँलाई घर फिर्ती केन्द्रमा राखिएको छ । तर परिवारको सम्पर्क नम्बर नहुँदा परिवारसँग सम्पर्क भएकाे छैन ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामकुमार थापा

थापा धादिङको नीलकण्ठ नगरपालिकाकाे वरिष्ठ मनोविमर्शकर्ता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्