‘राधा २’ मा प्रियंकाको जोडी आयुष्मान !

असोज १५, २०७५ सोमबार १५:१९:० | उज्यालो सहकर्मी

काठमाडौं – पछिल्लो समय नायिका प्रियंका कार्की र उनका हुनेवाला श्रीमान अर्थात नायक आयुष्मान देशराज जोशी बेला बेलामा चर्चामा आउने गरेका छन् ।

उनीहरुको टिकोटालो भइसकेको छ । विवाह भने अर्को वर्ष अर्थात २०७६ मा हुने बताइएको छ । यी दुवैले अभिनय गरेको चलचित्र ‘कथा काठमाडौं’ यतिबेला प्रदर्शनमा छ । चलचित्रमा दुवैले अभिनय गरेको भए पनि उनीहरुको जोडी भने अर्कै छन् ।

चलचित्रमा अभिनेता प्रमोद अग्रहरीसँग दिएको बोल्ड सिनले प्रियंकाले विभिन्न आरोप प्रत्यारोपहरुको सामना गर्नु परेको थियो । यो जोडीले चलचित्र चंगा चेटमा पनि सँगै काम गरेको छ ।

यसैबीच प्रियंका र आयुष्मानको जोडीलाई चलचित्र ‘राधा २’ मा पनि देखिने पक्का भएको छ । अभिनेत्री प्रियंकाले चलचित्र ‘राधा २’ का निम्ति पहिले नै लिखित सम्झौता गरिसकेकी थिइन् । तर आयुष्मानलाई भने पछि अनुबन्धित गरिएको बुझिएको छ । उनीसँग पनि लिखित सम्झौता नै भइसकेको बताइएको छ ।

चलचित्र ‘राधा २’ को निर्देशन योगेश घिमिरेले गर्ने बुझिएको छ । ‘सुरुवातमा अन्य अभिनेताको खोजी नगरेको हैन तर यस रोल आयुष्मानलाई नै सुट गर्ने भएकाले उनीलाई नै लिइएको हो’, निर्देशक घिमिरेको भनेका छन् ।

म्युजिकल लभ स्टोरीको शैलीमा निर्माण हुन लागेको चलचित्र ‘राधा २’ राधाकै सिक्वेलका रुपमा बनाउन लागिएको हो । यसअघिको चलचित्र राधामा अभिनेता जीवन लुइटेल र संचित लुइटेलले रोमान्स गरेका थिए । चलचित्रको छायंकन कार्तिक ८ गतेबाट सुरु गर्ने तयारी भइरहेको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘राधा २’ मा प्रियंकाको जोडी आयुष्मान !

फाइल तस्बिर

तपाईको प्रतिक्रिया