रुक्मिणी मावि रुकुमकोटमा विवादका कारण मतदान रोकियो

मंसिर ४, २०७९ आइतबार १५:३३:४५ | राजु लामिछाने

रुकुम – रुकुमकाे रुक्मिणी मावि केन्द्रमा वारिसे मतदानमा विवाद उत्पन्न भएपछि मतदान रोकिएको छ । विवादपछि रुक्मिणी माविका तीन वटै मतदान केन्द्रमा मतदान रोकिएको हाे।

कुनै व्यक्तिले शारीरिक अस्वस्थताका कारण भोट हाल्न अर्कालाई दिएमा त्यस्तो भोट सम्बन्धित घरका व्यक्तिले मात्र हाल्न पाउने, यदि घरका व्यक्ति नभए मतदाताले इच्छाएको व्यक्तिले मतदान गर्न सक्ने निर्णय सर्वदलीय बैठकमा गरिएको थियो ।

तर दलका उम्मेदवार र प्रतिनिधिले त्यसमा विवाद गरेपछि मतदान रोकिएको जिल्ला निर्वाचन अधिकारी तेजकुमार ओलीले जानकारी दिनुभयो ।

मतदान रोकिएपछि रुक्मिणी माविमा सुरक्षा व्यवस्था कडा पारिएको छ । पतपेटिकाको सुरक्षाको लागि प्रत्येक मतपेटिकामा सुरक्षाकर्मी राखिएको छ । मतदाताले मतदान सुरु गर्न दबाब दिइरहेका छन ।

अहिलेसम्म रुक्मिणि माविमा एक हजार एक सय ८९ मत खसेको छ । यस वडामा दुइ हजार एक सय ६१ मतदाता रहेका छन । पुनः मतदान सुरु गर्न सहमतिको प्रयास जारी छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्