‘विर विक्रम २’ मा आकाश र वर्षा

असोज १८, २०७५ बिहीबार १२:३३:३९ | उज्यालो सहकर्मी

पछिल्लो समय चलचित्र बजारमा नयाँ नामको भन्दा पनि सिक्वेलले काम चलाउने प्रवृत्तिको विकास हुँदै गइरहेको छ । चलचित्रको नयाँ नाम जुराउने झन्जटबाट मुक्त हुनका निम्ति पनि यो प्रवृति फलदायी हुने गरेको छ ।

अझ अघिल्लो चलचित्र सामान्य चले पनि त्यसैको सिक्वेलका रुममा चलचित्र निर्माण हुन्छन् । तर नाम एउटै भए पनि न त कथा अघिल्लो चलचित्र सँग मेल खान्छ । न त अन्य कथा वस्तु । एउटा नाम बाहेक अरु सबै नयाँ हुन्छ । चलचित्र चलाउनकै निम्ति पनि यो जुक्ति लगाउने गरेका छन् ।

यसैबीच चलचित्र विर विक्रमको पनि सिक्वेल बन्ने भएको छ । दयाहाङ राई र अनुप विक्रम शाही अभिनित सफल चलचित्र ‘विर विक्रम’ले औषत व्यापार गरेको थियो । चलचित्रको सिक्वेलका रुपमा ‘विर विक्रम २’ बनाउने पक्का भइसकेको छ ।

चलचित्रलाई मिलन चाम्सले निर्देशन गर्ने भएको बताइएको छ । चलचित्र ‘विर विक्रम २’ मा नायकको रुपमा आकाश श्रेष्ठ अनुबन्धित भएका छन् भने नायिका भने वर्षा सिवाकोटी यस अघि नै फाइनल भैसकेकी छिन् ।

नायक अनमोल केसी को समय नमिले पछि निर्देशक मिलन चाम्सले ‘विर विक्रम २’ मा आकाश श्रेष्ठलाई अनुबन्धित गरेको बताइएको छ । तर त्यसको औपचारिक घोषणा भने भैसकेको छैन । चलचित्र निर्माण टिमले कलाकार र छायांकन मितिको जानकारी केही दिनमै दिने बताएको छ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्