दीपक र दीपा एकअर्काका लागि बनेका हुन् : शिवहरि पाैडेल

असोज १८, २०७५ बिहीबार १४:९:३० | उज्यालो सहकर्मी

दीपाश्री निरौलाको निर्देशन रहेको सिनेमा ‘छक्का पञ्जा ३’ घटस्थापनाको दिनदेखि प्रर्दर्शनमा आउँदैछ ।

सिनेमाको प्रदर्शन मिति नजिकिँदै गर्दा निर्माण पक्षले सिनेमाको प्रचार प्रसारलाई तीव्र बनाएको छ ।

बिहीबारदेखि सिनेमाको प्रचारकै लागि सिटी टुर शुरु गरिएको छ ।

यस अन्र्तगत उपत्यकाका विभिन्न ठाउँमा सिनेमाको प्रचारको लागि कन्सर्ट गरिनेछ । गत वर्ष सिनेमाको टोली देश दौडाहामा पनि पुगेको थियो । तर यो वर्ष भने निर्माण पक्षले उपत्यकामा मात्रै टुर गर्ने भएको छ ।

यहि सिनेमाको प्रचार प्रसारको क्रममा हामीले सिनेमाका अभिनेता शिवहरि पौडेलसँग रमाईलो कुराकानी गर्ने अवसर पाएका छौँ ।

कुराकानीका क्रममा उहाँले दीपकराज गिरी र दीपाश्री निरौलाको खुलेर तारिफ गर्नुभएको छ ।

त्यस्तै उहाँले दीपाश्रीको फेसबुकबाट सबैलाई आई लभ यु लेखिदिने बताए । खासमा फर्सी नेटवर्कको यस मै छ मज्जामा उहाँलाई सोधिएको थियो, ‘यदि तपाईँले एक दिनको लागि दीपाश्रीको फेसबुक चलाउने अवसर पाउनु भयो भने फेसबुकबाट के लेखिदिनुहुन्थ्यो ?

उहाँले दीपाश्रीको फेसबुकमा भएका सबै केटा साथीहरुलाई आई लभ यु लेखेर पठाइदिने बताउनुभयो । खासमा उहाँले यो सबै रमाईलोको लागि मात्रै गर्ने पनि खुलाउनुभयो ।

त्यस्तै यस मै छ मज्जामै कुराकानी गर्ने क्रममा उहाँले यदि नेपालको कानुन कडा हुँदैनथ्यो र दीपकराज गिरीले विहे गरेको हुँदैनथे भने दीपक र दीपाको विवाह गराइदिन चाहने पनि बताउनुभएको छ ।

उहाँले दीपा र दीपकको हरेक कुरा र गुणहरु मिल्ने भन्दै दुवै एकअर्काको लागि नै बनेको बताउनुभयो । दीपक र दीपाको सबै कुरा मिलेकै कारण दुवैले काममा पनि सफलता पाएको शिवहरिको भनाई छ ।

दीपक र दीपाको आगामी सिनेमा ‘छक्का पञ्जा ३’ मा दीपकराज गिरी, शिवहरि पौडेल, जितु नेपाल, केदार घिमिरे, दीपिका प्रसाईँ, किरण केसी, संजोग कोईराला लगायतका कलाकारको मुख्य भूमिका रहेको छ ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्