पाल्पामा बिहे भाेज खाएका ८० जनाभन्दा धेरै बिरामी

मंसिर २०, २०७९ मंगलबार ११:५७:१ | उज्यालो सहकर्मी

पाल्पा - पाल्पामा बिहे भोज खाएका माइतीपक्ष र जन्ती आएकाहरु बिरामी परेका छन् । बगनासकाली गाउँपालिका-१ चिर्तुङधारामा बिहे भोज खाएका प्राय: सबै बिरामी भएका वडाअध्यक्ष शेरबहादुर रानाले जानकारी दिनुभयो ।

भोज खाएका स्थानीय बुढाखान्डे, भाङजेली, अम्रेली, पिपरटुङ, ढाडटोल र घोरबन्दा गाउँका ८० जनाभन्दा धेरै बिरामी परेका वडाअध्यक्ष रानाको भनाइ छ । गएको १७ गते शनिवार बगनासकाली गाउँपालिका-१, चिर्तुङधारामा रहेको दानबहादुर गाहाकी छोरीको बिहेमा भोज खाएकाहरु बिरामी परेका हुन् ।

जन्ती आएका प्युठानका एकै गाउँका ४५ जनाभन्दा बढी बिरामी परेका जनाइएको छ । भोजमा मासु, पुलाउ, आलु र गोभीको तरकारी, मेवाको अचार, बटुक, आलुमुलाको अचार रहेको थियो । बिरामी भएकाहरुलाई ज्वरो आउने, पखाला लाग्ने, टाउको दुख्ने, वाकवाकी लाग्ने, वान्ता हुने लगायतका समस्या देखिएको चिर्तुङधारा स्वास्थ्य चौकी प्रमुख सिनियर अहेब नोदप्रसाद बस्यालले जानकारी दिनुभयो ।

बिरामीहरुलाई औषधि वितरण गरिएको र औषधिले काम नगरेपछि उनीहरु तानसेनका निजी स्वास्थ्य संस्था र मिसन अस्पतालमा पुगेका छन् । मिसन अस्पतालका अनुसार सोमवार हिजाे २२ जना बिरामी उपचारका लागि आएका थिए । त्यसमध्ये चार जनालाई भर्ना गरेर उपचार गरिएको थियो । उनीहरु खतरामुक्त भएपछि घर फर्किएका छन् ।

७० जनाभन्दा बढी बिरामी स्वास्थ्य चौकी आएका जानकारी दिँदै चिर्तुङधारा स्वास्थ्य चौकीले बिहानैदेखि थप बिरामीको परीक्षण भइरहेको जनाएको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्