महाकाली नदीको बहाव पुरानै अवस्थामा फर्काउने सहमति

मंसिर २१, २०७९ बुधबार १८:२७:२७ | उज्यालो सहकर्मी

दार्चुला – दार्चुलाको खलङ्गा बजार नजिकै महाकाली नदीमा बनाएको अनधिकृत संरचना हटाउन भारत सहमत भएको छ । आज बुधवार भारतको धारचुलामा भएको नेपाल–भारत सीमा समन्वय समितिको बैठकमा भारतले महाकालीमा नदीमा बनाएका संरचना हटाउन र थप संरचना निर्माण नगर्न सहमति जनाएको हो ।

भारतले महाकाली नदीमा निर्माण गरिरहेको पक्की तटबन्धबारे विवाद भएपछि दुई देशका सुरक्षा अधिकारीहरूबीचको समन्वयात्मक बैठक बसेको हो । बैठकमा महाकाली नदीको बहाव पुरानै अवस्थामा फर्काउने सहमति भएको दार्चुलाका प्रमुख जिल्ला अधिकारी दीर्घराज उपाध्यायले जानकारी दिनुभयो । आजको बैठकले तारजालीसहितको अस्थायी बाँध हटाउने सहमति गरेको उहाँले बताउनुभयो ।

यस्तै भारतले निर्माण गरिरहेको तटबन्धबारे दुवै देशका इन्जिनियरले अनुगमन गर्ने पनि सहमति भएको छ । भारतले दार्चुलाको सदरमुकाम खलङ्गालाई नै जोखिममा पारेर संरचना बनाएको भन्दै सरकारले हिजो मङ्गलवार भारत सरकारलाई कुटनीतिक नोट समेत पठाएको थियो । कुटनीतिक नोटमा नेपालको सहमतिविना संरचना बनाइएको र यसले नेपालतर्फ क्षति पुगेको उल्लेख गर्दै सीमा क्षेत्रमा संरचना निर्माण गर्नुपरे दुवै देशको सहमति र समन्वय हुनुपर्ने उल्लेख गरिएकाे छ ।

बैठकमा नेपालको तर्फबाट प्रमुख जिल्ला अधिकारी उपाध्याय, सुरक्षा निकायका प्रमुख, महाकाली नदी नियन्त्रण आयोजनाका प्रतिनिधि करनसिंह धामी र भारतका तर्फबाट पिथौरागढ जिल्लाका प्रमुख रीना जोशी, तहशिल धारचुलाका उपजिल्ला अधिकारी दिवेश शासनी लगायतको उपस्थिति रहेको थियो ।

भारतले महाकाली नदीको धार नै परिवर्तन हुने गरी बाँध बनाउँदा खलङ्गा बजार जोखिममा परेको भन्दै अस्ति साेमवार स्थानीयवासीले विरोध गरेपछि भारतीय पक्षबाट ढुङ्गा प्रहार भएको थियो । त्यसपछि नेपाली पक्षले पनि ढुङ्गा हान्दा दुवैतर्फका केही व्यक्ति घाइते भएका छन् ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्