नेपालमा मातृ तथा बाल स्वास्थ्यमा सुधार, पूर्ण स्तनपान गराउनेको सङ्ख्या भने घट्यो

मंसिर २३, २०७९ शुक्रबार १९:१७:९ | उज्यालो सहकर्मी

काठमाण्डाै – नेपालमा मातृ तथा बाल स्वास्थ्यमा सुधार भएको देखिएको छ । नेपाल जनसाङ्ख्यिक तथा स्वास्थ्य सर्वेक्षण २०२२ अनुसार नेपालमा पाँच वर्षमुनिका बालबालिकाको मृत्यु दरमा उल्लेखनीय कमी भएको देखिएको स्वास्थ्य तथा जनसङ्ख्या मन्त्रालयले जनाएको छ ।

स्वास्थ्य तथा जनसङ्ख्या मन्त्रालयमा आज शुक्रवार आयोजित एक कार्यक्रममा सार्वजनिक गरिएको प्रतिवेदनअनुसार नेपालमा नवजात मृत्यु दर पछिल्लो दशकमा प्रति एक हजार जीवित जन्ममा २१ जनामा स्थिर रहेको उल्लेख छ । यसअघि सन् १९९६ मा पाँच वर्षमुनिका बालबालिकाको प्रति एक हजार जीवित जन्ममा एक सय १८ को ज्यान जाने गरेको थियो ।

अहिले नेपालका महिलाले औसतमा दुई दशमलव एक सन्तान जन्माउँछन् । सन् १९९६ मा प्रति महिला चार दशमलव छ बच्चा जन्मिन्थे । सर्वेक्षणअघिको दुई वर्षभित्रको समय अवधिमा जीवित जन्मेकामध्ये एक हजारमा सात सय ९५ बच्चाहरू स्वास्थ्य संस्थामा जन्मेका छन् । सन् १९९६ मा एक हजारमध्ये ८५ बच्चाहरू मात्र स्वास्थ्य संस्थामा जन्मिने गरेका थिए ।

यस्तै नियमित खोप लगाउनेको सङ्ख्या पनि उल्लेख्य बढेको छ । अहिले एक हजार बालबाललिकामध्ये आठ सय पाँच जनाले पूर्ण खोप लगाउने गरेको पाइएको छ ।

तर पूर्ण स्तनपान गराउने प्रवृत्ति भने घटेको छ । बितेको २५ वर्षमा पूर्ण स्तनपान गराउने प्रवृत्ति ७५ प्रतिशतबाट ५६ प्रतिशतमा झरेको प्रतिवेदनमा उल्लेख छ । स्वास्थ्य मन्त्रालयकी सचिव देवकुमारी गुरागाईँले यो तथ्याङ्क चिन्ताजनक भएको बताउनुभयो । विशेषगरी सहरी क्षेत्रमा आमाको दूधको विकल्प र फर्मोलाको प्रयोग बढ्नु दुःखद भएको उहाँले बताउनुभयो । कतिपय अवस्थामा गैरकानुनीरूपमा डाक्टरहरूले फर्मोला सिफारिस गरेको देखिन्छ ।

तस्बिर : यूएसएड नेपालकाे भिडियाेबाट

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्