केरुङबाट दसैँका लागि ल्याइयो भेडा–च्याङ्ग्रा

असोज २०, २०७५ शनिबार १९:५१:५४ | उज्यालो सहकर्मी

रसुवा – दसैँ नजिकिँदै जाँदा चीनको केरुङबाट भेडा च्याङ्ग्राको आयात सुरु भएको छ ।

शनिबार रसुवागढी नाका हुँदै झण्डै २ सय भेडा च्याङ्ग्रा नेपाल भित्र्याइएको छ । झण्डै दुई साता लगाएर तिब्बतबाट पहिलो चरणमा भेडा–च्याङ्ग्रा ल्याइएको व्यापारी दिवाकर न्यौपानेले बताउनुभयो ।

‘सवारीको चापका कारण ल्याउन निकै कठिन भयो’, उहाँले भन्नुभयो, कालिकास्थानसम्म पुर्‍याउन झण्डै चार दिन लाग्ने अनुमान छ ।’ आयात गरिएको भेडा–च्याङ्ग्रा जिल्लाको टिमुरे, स्याफ्रु, धुन्चे, राम्चे, कालिकास्थान लगायतका बजार क्षेत्रमा बिक्रि गर्दै नुवाकोटसम्म पुर्‍याइने उहाँले बताउनुभयो । गएको वर्ष न्यून सङ्ख्यामा आयात भएपनि यो वर्ष भेडा–च्याङ्ग्राको आयात बढेको उहाँको भनाइ छ ।

नेपाल ल्याइएको भेडा–च्याङ्ग्राको मूल्य २३ हजारदेखि २६ हजारसम्म पर्ने बताइएको छ । २०७० सालअघिसम्म भेडा–च्याङ्ग्राको आयात राम्रो हुने गरेको थियो । पछिल्लो समय अन्य नाकाबाट समेत आउने क्रम बढेपछि यो नाकाबाट आयात घटेको थियो ।

२०७० सालमा २ सय २, २०७१ मा १ सय ८० र २०७३ मा २ सय ५० वटा र २०७४ सालमा ५५ वटा भेडा–च्याङ्ग्रा आयात गरिएको सरकारी तथ्याङ्क छ ।

अन्तिम अपडेट: फागुन २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्