लामाे दुरीका गाडीमा २ जना चालक नराख्ने ४१ वटा गाडीका चालकलाई कारबाही

मंसिर २९, २०७९ बिहीबार १८:५:४२ | उज्यालो सहकर्मी

काठमाण्डाै – लामो दुरीका यात्रुवाहक गाडीमा दुई जना चालक नराख्ने ४१ वटा गाडीका चालकलाई ट्राफिक प्रहरीले कारबाही गरेको छ ।

काठमाण्डौको नागढुङ्गामा एपमार्फत जाँच गर्दा दुई जना चालक फेरबदल नभएको पाइएपछि कारबाही गरिएको काठमाण्डौ उपत्यका ट्राफिक प्रहरी कार्यालयले जनाएको छ । कार्यालयका प्रवक्ता एवम् प्रहरी वरिष्ठ उपरीक्षक राजेन्द्र भट्टका अनुसार ट्राफिक कम्युनिकेशन एप्लिकेशनमा सुरुको गन्तव्यमै गाडी चालकको फोटो, लाइसेन्स नम्बर र गाडीको नम्बर अपलोड गरेपछि नागढुङ्गासहित १५ वटा ठाउँमा रहेका जाँच केन्द्रमा डाटा सर्कुलर भएका आधारमा चालक फेरबदल भए/नभएको थाहा हुन्छ ।

२०७५ सालको जेठ २ गतेदेखि सुरु भएको यो जाँच केही समय रोकिएकोमा गएको असोज २ गतेदेखि फेरि सुरु भएको थियो ।

सवारी तथा यातायात व्यवस्था ऐन २०४९ को परिच्छेद ६ को दफा १०४ मा पनि चालकको पालो फेर्नुपर्ने व्यवस्थाअन्तर्गत लामो बाटोमा यातायात सेवा सञ्चालन गर्ने यात्रुवाह सार्वजनिक गाडीमा कम्तीमा दुई जना चालक अनिवार्यरूपमा राखि प्रत्येक छ घण्टापछि पालैपालोसँग गाडी चलाउन लगाउने कर्तव्य यातायात सेवा सञ्चालन गर्ने व्यवस्थापक वा गाडी धनीको हुनेछ भनिएको छ ।

तनाव र थकानले दुर्घटनाको जोखिम बढ्ने भएकाले अनिवार्यरूपले लामो दुरीका यात्रुवाहक गाडीमा दुई जना चालकको व्यवस्था गर्न/गराउन सबैको दायित्व हुने प्रहरी वरिष्ठ उपरीक्षक भट्टले बताउनुभयाे ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लामाे दुरीका गाडीमा २ जना चालक नराख्ने ४१ वटा गाडीका चालकलाई कारबाही

फाइल तस्बिर

तपाईको प्रतिक्रिया