ट्वीटर छोड्छु भनेपछि ट्रोलको शिकार भइन् सोनम कपूर

असोज २१, २०७५ आइतबार १३:२९:७ | उज्यालो सहकर्मी

अभिनेत्री सोनम कपूरले शनिबार बिहान ट्वीटर छोड्न लागेको खबरले आफ्ना फ्यानहरुलाई आश्चर्यमा पारेकी थिइन् । उनले यो जानकारी दिए लगत्तै सोनम कपूर ट्वीटरमा ट्रोल भइरहेकी छिन् । सोनम यसरी ट्रोल भएको घटना यो पहिलो पटक भने होइन । उनी बेला बेलामा उनले दिएका बयानहरुका कारण ट्रोल हुँदै आइरहेकी छिन् ।

सोनमले ट्वीट गर्दै लेखेकी छिन् ‘म केही समयका लागि ट्वीटर छोड्दैछु । यहाँ धेरै नकारात्मक कुरा भइरहेका छन् । सबैलाई धेरै माया ।’

— Sonam K Ahuja (@sonamakapoor) October 6, 2018

सोनमले यो ट्वीट गरेसँगै केहीले दुखी भए भने केहीले उनलाई ट्रोल गर्न सुरु गरे । सोनम कपूरको यस ट्वीटलाई एकता कपूरले समर्थन गरेपछि उनलाइसमेत ट्रोलर्सले निशाना बनाएका थिए ।

सोनमको यस ट्वीटको रिप्लाइमा एक जनाले लेखेका छन् ‘दीदी कहिलेकाँही होली, दिपावली मा आउदै गर्नु । सिधा र सादा व्यक्तिहरुसँग भेट्न पाउदा खुशी लाग्छ ।’ त्यसैगरी अर्काले लेखेका छन् ‘म त भन्छु अब फर्केरै नआनु ।’

सोनम कपूरले ट्वीटर छोड्ने भन्दै ट्वीट गर्नुको कारण हो की उनले केही दिन अघि ‘मुम्बईको बढ्दो प्रदुषणको बारेमा ट्वीट गरेकी थिइन । त्यस बेला पनि उनलाई अबदेखि सार्वजनिक गाडीमा यात्रा गर्नु भन्दै ट्रोल गरिएको थियो । सोनमले ति ट्रोलरलाई जवाफमा भनेकी थिइन् की ‘तिमीहरु जस्तो व्यक्तिका कारण महिलाहरु सार्वजनिक गाडीमा यात्रा गर्न डराउछन ।’

खबरहरुका अनुसार सोनम कपूरले यूट्यूब च्यानल एआइबीका कमेडियन उत्सव चक्रवर्तीको समर्थन गरेको ओरोप पनि लागेको छ । उत्सव चक्रवर्तीलाई नाबालक यूवतिहरुले यौन शोषण गरेको आरोप लगाएका छन् । तर सोनमले तिनै आरोपीलाई समर्थन गरेका कारण पनि ट्रोलर्सले ट्रोल गरिरहेका छन् ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्