‘हिंसामुक्त समाज, रोगमुक्त शरीर र तनावमुक्त मनका लागि योग र ध्यान गर्नुहोस्’

असोज २१, २०७५ आइतबार १५:११:२० | उज्यालो सहकर्मी

बाँके – बढ्दो शहरीकरणका कारण मानिसको जीवनशैली पनि व्यस्त हुन थालेको छ ।

व्यस्त जीवनशैलीका कारण मानिसमा धेरै रोग र तनाव बढेको पाइन्छ । पछिल्लो समय रोग र तनावबाट मुक्ति पाउनका लागि योग र ध्यानमा युवा पुस्ताहरुको आकर्षण देखिन थालेको छ ।

कार्यक्रममा कलेजका विद्यार्थीदेखि विभिन्न पेशाकर्मीहरुको सहभागिता बढी हुने गरेको छ । आर्ट अफ लिभिङले नेपालगञ्जमा हेप्पिनेस कार्यक्रम सञ्चालन गर्न थालेपछि ६ दिने कक्षामा युवापुस्ताको उत्साहजनक सहभागिता हुने गरेको छ ।

नेपालगञ्जमा असारको पहिलो साता यता नियमित रुपमा ‘ह्याप्पिनेस’ प्रोग्राम चलिरहेको छ । अहिलेसम्म सातवटा कक्षामा झण्डै चार सय बढीले सहभागिता जनाएको योग प्रशिक्षक काव्य लम्सालले जानकारी दिनुभयो ।

‘हिंसामुक्त समाज, रोगमुक्त शरीर र तनावमुक्त मन यसको मुख्य उद्देश्य हो’, योग गुरु लम्सालले भन्नुभयो, ‘शारीरिक र मानिसक रुपमा स्वस्थ राख्नलाई यसले सहयोग पु¥याएको छ ।’

मानिसको व्यस्त जीवनशैलीले खानपिनमा प्रभावित पारिरहेको भन्दै योग गुरु लम्सालले ६ दिने कक्षा समापनका दिनमा प्रत्येक सहभागीमा मुस्कान देखिने गरेको अनुभव सुनाउनुभयो ।

६ दिने कक्षामा सहभागी नेपालगञ्जमा रहेको चार तारे होटल सिद्धार्थ भ्यूका सञ्चालक कृष्ण भण्डारीले ‘ह्याप्पिनेस प्रोग्राम’ले आफ्नो सोच र काम गर्ने तौरतरिकामा परिवर्तन आउन थालेको बताउनुभयो ।

नेपालगन्जमा केही वर्षअघि ‘आर्ट अफ लिभिङ’को कक्षा सञ्चालन भए पनि निरन्तरता पाउन सकेको थिएन । अब नेपलगञ्जमा ‘आर्ट अफ लिभिङ’को योग तथा ध्यान केन्द्र स्थापनाको पहल भइसकेको छ ।

नेपालगन्ज निवासी माला शर्माको पहलमा सुरुवात गरिएको ‘ह्याप्पिनेस प्रोग्राम’ले निरन्तरता पाइरहेको छ । ‘आर्ट अफ लिभिङको योग, ध्यान र ज्ञानबाट म आफैँ डिप्रेसनबाट मुक्त भए’, शर्माले भन्नुभयो, ‘अहिले अरुलाई खुशी बाँडिरहेको जस्तो लाग्छ ।’
योगगुरु लम्सालले दैनिक एक डेढ घण्टा मात्र योग, ध्यान र सुदर्शन क्रिया गरेमा दिनभर स्पूmर्तिका रुपमा काम गर्न सकिने र कुलतमा फस्नबाट जोगाउँदै व्यक्तिलाई अहिंसात्मक बनाउनेमा जोड दिनुभयो ।

६ दिने ‘ह्याप्पीनेश कार्यक्रम’सँगै तीन दिने एडभान्स ध्यान कक्षा समेत संचालन गरिएको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्