कतार विश्व कपमा अहिलेसम्मकै सर्वाधिक गाेलकाे रेकर्ड

पुष ४, २०७९ सोमबार १५:१३:१० | एजेन्सी

कतारमा सम्पन्न विश्व कप फुटबलमा अहिलेसम्मकै सर्वाधिक गोलको रेकर्ड कायम भएको छ । यो वर्ष कतारमा सम्पन्न विश्व कपमा एक सय ७२ गोलको कीर्तिमान बनेको छ ।

आइतवार राति भएको अर्जेन्टिना र फ्रान्सबीच भएको विश्व कप फाइनलमा दुवै टिमले बराबर तीन गोल गर्दै कुल छ गोल गरि खेललाई सनसनीपूर्ण र रोमाञ्चक बनाएका थिए । फाइनल खेलको अतिरिक्त ३० मिनेटमा पनि गोल अन्तर बराबर बनेपछि भएको पेनाल्टी शुटआउटमा साविक विजेता फ्रान्सलाई ४–२ गोल अन्तरले पराजित गर्दै अर्जेन्टिना उपाधि जित्न सफल भएको हो ।

कतार विश्व कप अहिलेसम्मकै सर्वाधिक गोल हुने प्रतियोगिता भएको छ । सन् २०२२ को विश्व कपमा एक सय ७२ गोल भएको छ । सन् १९९८ र २०१४ को खेलहरूमा भएका समान एक सय ७१ गोलभन्दा यो एक गोलमात्र बढी हो ।

स्पेनले कोस्टारिकालाई ७–० ले हराएको र इङ्ग्ल्यान्डले इरानमाथि ६–२ को जित हात पार्दा पनि समूह चरणमा छ गोलरहित बराबरी खेल भएका थिए ।

सन् २०२६ को संस्करणमा लगभग निश्चितरूपमा गोलको नयाँ रेकर्ड हुनेछ किनकि विश्व कप ४८ टोलीमा विस्तार हुनेछ । यसको अर्थ न्यूनतम ८० खेलको साथ हुने प्रतियोगिताले धेरै गोल पाउने नै छ ।

फिफाले १२ टोलीको चार समूह वा १६ टोलीको तीन समूहमा खेलाउने निर्णय गर्नेछ ।

कुन देशले कति गाेल गरे ?

क्र. सं.    देश खेल गाेल
१ फ्रान्स ७ १६
२   अर्जेन्टिना ७ १५
३ इङ्ग्ल्यान्ड ५ १३
४ पाेर्चुगल ५ १२
५ नेदरल्यान्ड्स ५ १०
६ स्पेन ४ ९
७ ब्राजिल ५ ८
८ क्राेएसिया ७ ८
९ जर्मनी ३ ६
१० माेरक्काे ७ ६
११   सेनेगल ४ ५
१२ जापान ४ ५
१३ स्विट्जरल्यान्ड ४ ५
१४ सर्बिया ३ ५
१५ घाना ३ ५
१६ दक्षिण काेरिया ४ ५
१७ अस्ट्रेलिया ४ ४
१८ इक्वेडर ३ ४
१९ इरान ३ ४
२० क्यामरुन ३ ४
२१ पाेल्यान्ड ४ ३
२२ साउदी अरेबिया ३ ३
२३ काेस्टारिका ३ ३
२४ अमेरिका ४ ३
२५ क्यानडा ३ २
२६ उरुग्वे ३ २
२७ मेक्सिकाे ३ २
२८ वेल्स ३ १
२९ ट्युनिसिया ३ १
३० कतार ३ १
३१ डेनमार्क ३ १
३२ बेल्जियम ३ १
जम्मा   १७२

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कतार विश्व कपमा अहिलेसम्मकै सर्वाधिक गाेलकाे रेकर्ड

तस्बिर : एजेन्सी

तपाईको प्रतिक्रिया