काठमाण्डौ उपत्यकामा चल्ने भाडाका गाडीले फ्याँक्ने धुवाँकाे अवस्था खराब

४० वटा गाडीको प्रदूषण जाँच गर्दा २३ वटा 'फेल'

पुष ६, २०७९ बुधबार १९:१५:१९ | उज्यालो सहकर्मी

काठमाण्डाै – काठमाण्डौ उपत्यकामा चल्ने गाडीहरूले फ्याँक्ने धुवाँको अवस्था खराब देखिएको छ । वातावरण विभागले गएकाे पुस १ गतेदेखि सुरु गरेको छड्के जाँचका क्रममा गाडीहरूले फ्याँक्ने धुवाँको अवस्था खराब रहेको पाइएको विभागका प्रवक्ता शंकरप्रसाद पौडेलले जानकारी दिनुभयो ।

आज बुधवार उपत्यकाका विभिन्न ठाउँमा गरी ४० वटा गाडीको धुवाँ परीक्षण गरेकोमा २३ वटा गाडी प्रदूषण जाँचमा 'फेल' भएकाे उहाँले बताउनुभयो । यसअघि गरिएका जाँचमा पनि अवस्था यस्तै देखिएको छ । भाडामा चल्नै धेरै गाडी प्रदूषण जाँचमा 'फेल' भएका छन् । विभागले विशेषगरी डिजलबाट चल्ने जीप, भ्यान, बस लगायतको परीक्षण गर्दै आएको छ ।

प्रदूषण जाँचमा 'फेल' भएका गाडी धनीलाई पाँच हजार रुपैयाँ जरिबाना तिराएको र तीन दिनभित्र मर्मत गराएर पुनः परीक्षणका लागि विभागमा आउन भनिएको उहाँले बताउनुभयो । गाडी प्रदूषण पास नभएसम्म पटक–पटक जाँच गर्न लगाउने पनि उहाँले बताउनुभयो ।

विभागले टोली बनाएर उपत्यकाका विभिन्न ठाउँमा छड्के जाँच गरिरहेको छ । टोलीले प्रदूषण जाँच गर्ने 'स्मोक डेन्सिटीमिटर' मार्फत गाडीले फ्याँक्ने धुवाँको परीक्षण गर्दै आएको छ । अहिले काठमाण्डौ उपत्यकमा वायु प्रदूषण खराब अवस्थामा पुगेको छ । उपत्यकामा वायु प्रदूषणको मुख्य कारण गाडीले फ्याक्ने धुवाँ रहेको र यसको नियन्त्रणका लागि गाडीहरूको प्रदूषण जाँचलाई कडाइ गरेको विभागले जनाएको छ । काठमाण्डौ उपत्यकापछि देशका अरू सहरहरूमा पनि प्रदूषण जाँचको तयारीमा रहेको विभागले जनाएको छ ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौ उपत्यकामा चल्ने भाडाका गाडीले फ्याँक्ने धुवाँकाे अवस्था खराब

४० वटा गाडीको प्रदूषण जाँच गर्दा २३ वटा 'फेल'

फाइल तस्बिर

तपाईको प्रतिक्रिया