राेनाल्डाेले मेसीलाई समर्थन गरेकाे भन्दै भाइरल फाेटाे गलत

पुष ६, २०७९ बुधबार २०:१३:४९ | उज्यालो सहकर्मी

कतारमा हालै सम्पन्न फुटबल विश्वकपका विषयमा सामाजिक सञ्जालमा विभिन्न मिथ्या र भ्रामक सामग्री फैलाइएका छन् । तीमध्ये पाेर्चुगलका खेलाडी क्रिस्टियानाे राेनाल्डाेले अर्जेन्टिनी खेलाडी लियाेनल मेसीकाे समर्थन गरेकाे भन्दै एउटा फाेटाे नेपाली सामाजिक सञ्जाल प्रयाेगकर्ताले भाइरल बनाएका छन् ।

‘जाेक्स नेपाल’ नामक फेसबुक पेजमा गत *पुस १ गते राेनाल्डाेले टेलिभिजन स्क्रिनमा देखिएका मेसीलाई समर्थन गरेकाे भन्दै फाेटाे र स्टाटस पाेस्ट गरेकाे थियाे । साे पाेस्ट उसले हटाएकाे छ [स्क्रिनसट] । राेनाल्डाेले आफ्नाे छाेराे र श्रीमती दुवै मेसीकाे फ्यान भएकाे र आफूले पनि फाइनलमा अर्जेन्टिनालाई समर्थन गर्ने अ‌ंग्रेजीमा लेखिएकाे स्टाटसमा उल्लेख छ । ट्वीटर र फेसबुकमा सेयर गरिएकाे उक्त पाेस्ट ‘थग लाइफ काठमाण्डु’ नामक फेसबुक पेजमा पनि भेटिएकाे छ [स्क्रिनसट]।

फेसबुकमा हालै भाइरल फाेटाे र राेनाल्डाेले इन्स्टाग्राममा २ वर्षअघि सेयर गरेकाे फाेटाेकाे तुलना

तथ्य जाँच

यस भाइरल फाेटाेकाे तथ्य जाँचका लागि हामीले साे फाेटाेलाई गुगलमा रिभर्ज इमेज सर्च गर्याैँ । याे विधिमा गुगलले पहिले प्रकाशित भइसकेका तस्बिर देखाइदिन्छ । हामीले सर्च गर्दा राेनाल्डाेले २०७७ साल असाेज २९ गते साे तस्बिर आफ्नाे इन्स्टाग्राम अकाउन्टमा पाेस्ट गरेकाे फेला पार्याैँ । गाेल डटकमका अनुसार त्यस दिन युइएफए नेसन्स लिग अन्तर्गत स्वीडेनका विरुद्धकाे खेलमा काेभिडका कारण राेनाल्डाे पाेर्चुगलबाट खेल्न पाएका थिएनन् । उनले आफ्नाे टाेलीका सदस्यलाई हाैसला दिन टिभीमा स्टेडियमकाे दृश्यसहित आफ्नाे फाेटाे सेयर गरेकाे फेला परेकाे छ ।

साेही तस्बिरलाई ताेडमराेड गरी हालै विश्वकप विजेता अर्जेन्टिनाका कप्तान मेसीकाे तस्बिर राखी साे पाेस्ट भाइरल बनाइएकाे पाइयाे ।

अर्जेन्टिनी खेलाडी मेसीकाे तस्बिर देखाउँदै पाेर्चुगलका खेलाडी राेनाल्डाेले आफू र आफ्नाे परिवार मेसीकाे फ्यान भन्दै सामाजिक सञ्जालमा भाइरल पाेस्टकाे तथ्य जाँच गरेपछि नेपाल चेककाे निष्कर्ष ।

नेपाल चेकबाट

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राेनाल्डाेले मेसीलाई समर्थन गरेकाे भन्दै भाइरल फाेटाे गलत

थग लाइफ काठमाण्डु नामक फेसबुक पेजमा मंसिर २९ गते गरिएकाे पाेस्ट

तपाईको प्रतिक्रिया