बाँदर आतङ्क राेक्न माग गर्दै जन्तेढुङ्गाका किसानले गाउँपालिकालाई ज्ञापनपत्र बुझाए

पुष ८, २०७९ शुक्रबार १५:२:३२ | उज्यालो सहकर्मी

खोटाङ – खोटाङको जन्तेढुङ्गा गाउँपालिकाका किसानले बाँदरलगायतका वन्यजन्तु नियन्त्रणको माग गरेका छन् । बाँदर, मृग, दुम्सीलगायतका वन्यजन्तुले खेतबारीका बालीनाली सखाप पारेको भन्दै जन्तेढुङ्गा गाउँपालिका ५ चिसापानी खुटाका किसानले नियन्त्रणको माग गरेका हुन् ।

साविकको चिसापानी–१ देखि ६ सम्मका किसानको समूहले गाउँपालिका पुगेर गाउँपालिका अध्यक्ष अरुणादेवी राई र उपाध्यक्ष खेमबहादुर खड्कालाई ज्ञापनपत्र बुझाउँदै बाँदरलगायतका जङ्गली जनावरको आतङ्क नियन्त्रणको माग गरेका छन् ।

सावा खोला किनारमा रहेको देउराली चुनिया सामुदायिक वनबाट निस्कने बाँदर, मृग र दुम्सीले गहुँ, मकै, कोदो, अलैँची, आलु, धान, करेला, सुन्तला, कागती, केरालगायतका बालीनाली सखाप बनाइदिएपछि पालिकालाई गुहार्नुपरेको खुटाका किसान भुवन कार्कीले बताउनुभयो । बाँदर नियन्त्रणको माग गर्दै खुटाका झन्डै तीन सय किसान गाउँपालिका पुगेका थिए ।

छ वटा वडा रहेको जन्तेढुङ्गा गाउँपालिकाका सबै वडामा बाँदरको समस्या छ । त्यसमा पनि नदी तथा खोलाको किनार आसपासका बेसी क्षेत्र र जङ्गल आसपासमा बाँदरको समस्या बढी छ । बाँदरले टुसाउँदै गरेको अन्नबालीदेखि पाकेर भित्र्याउने अवस्थाका मकै, कोदो, आलु, फलफूल, अम्रिसो लगायतका बोटबिरुवा विनाश गर्ने गरेका छन् । बाँदरले अन्नबाली, फलफूल र तरकारी सखाप बनाएपछि कृषि उत्पादनमा कमी आउँदा निम्तिने भोकमरीका कारण बसाइँ सर्नुपर्ने अवस्था आएको किसानको गुनासो छ ।

किसानले यसअघि पनि पटक–पटक बाँदर नियन्त्रणको माग गर्दै आएका छन् । तर बाँदरको समस्या नियन्त्रणका लागि प्रभावकारी विधि र उपाय अभावमा किसानको माग पूरा हुन सकेको छैन ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाँदर आतङ्क राेक्न माग गर्दै जन्तेढुङ्गाका किसानले गाउँपालिकालाई ज्ञापनपत्र बुझाए

फाइल फाेटाे

तपाईको प्रतिक्रिया