रोमन क्याथलिक समुदायका पूर्व धर्मगुरु पोप इमिरेटस बेनेडिक्ट १६औँ को निधन

पुष १६, २०७९ शनिबार १७:१२:२६ | एजेन्सी

रोमन क्याथलिक समुदायका पूर्व धर्मगुरु पोप इमिरेटस बेनेडिक्ट १६औं को निधन भएको छ । ९५ वर्षका बेनेडिक्टको भ्याटिकन सिटीमा रहेको उहाँकै निवासमा निधन भएको बीबीसीले जनाएको छ ।

उहाँले भण्डै एक दशकदेखि स्वास्थ्य समस्या भोगिरहनुभएको थियो । केही दिनअघि पोप फ्रान्सिसले उहाँको स्वास्थ्य सुधारका लागि प्रार्थना गर्न आग्रह गर्नुभएको थियो । बेनेडिक्ट ६ सय वर्षको इतिहासमा आफ्नो पदबाट राजीनामा दिने पहिलो पोप हुनुहुन्छ ।

उहाँले क्याथोलिक विश्वासी र धार्मिक विज्ञहरूलाई अचम्मित पार्दै सन् २०१३ मा पोपको पदबाट राजीनामा दिएर भ्याटिकन सिटीमा बस्दै आउनुभएको थियो । २०१३ मा बिदाइ हुँदा सार्वजनिक जीवनबाट टाढा एकान्तमा बस्ने बताएका बेनेडिक्ट धार्मिक मामिलामा आफ्ना विचार भने व्यक्त गर्दै आउनुभएको थियो ।

बेनेडिक्टको निधनप्रति फ्रान्स, जर्मनी लगायतका राष्ट्रपतिसहित विश्वका विभिन्न नेताहरुले दु:ख व्यक्त गरेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्