हुम्ला : हिमपातका कारण यारी–हिल्सा सडक खण्ड बन्द, चीनबाट ल्याएकाे सामान हिल्सामै राेकियाे

माघ ९, २०७९ सोमबार ८:३२:४० | उज्यालो सहकर्मी

हुम्ला - हिमपातका कारण चीनसँगको सीमावर्ती क्षेत्र सिमकोट–हिल्सा सडक अन्तर्गतको यारी–हिल्सा सडक खण्ड बन्द भएको छ । सडकमा तीन फिटभन्दा बढी हिउँ जमेपछि यारी–हिल्सा सडक खण्ड बन्द भएको हो ।

जिल्ला प्रशासन कार्यालय हुम्लाले दुई दिनकाे लगातारको हिमपातपछि उत्तरी सीमा क्षेत्र यारीदेखि हिल्सासम्मको यातायात सेवा बन्द भएको जनाएकाे छ । गएकाे असोज कात्तिकमा परेको हिउँ जमेर बन्द भएकाे याे सडक पुस १७ र १८ गते नाम्खा गाउँपालिकाले हिउँ पन्छाएपछि साढे तीन महिनापछि सञ्चालनमा आएकाे थियाे ।

झण्डै दुई हप्ताभन्दा बढी समय सञ्चालनमा आएकाे यारी–हिल्सा क्षेत्रको यातायात सेवा हिमपातका कारण पुनः बन्द भएकाे छ । ४ हजार ६ सय मिटर उचाइमा रहेकाे नारा लेक क्षेत्रको याे सडक हिउँले सेताम्मे भएकाे छ ।

एकतर्फी नाका खुलेपछि चीनबाट ल्याइएकाे खाद्यान्न, लत्ताकपडा र विकास निर्माणका सामान सडक बन्द भएपछि हिल्सामै रोकिएको छ । यातायात ठप्प भएपछि व्यापारी, सशस्त्र प्रहरी बलका सुरक्षाकर्मी, यारी नाका भन्सारका कर्मचारी र हिल्साका स्थानीयलाई आवतजावतमा समस्या भएको छ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हुम्ला : हिमपातका कारण यारी–हिल्सा सडक खण्ड बन्द, चीनबाट ल्याएकाे सामान हिल्सामै राेकियाे

फाइल तस्बिर

तपाईको प्रतिक्रिया