हिजो आत्मदाह गरेका प्रेमप्रसाद आचार्यले उठाएका विषयमा छानबिन गर्ने गृहमन्त्री लामिछानेका प्रतिबद्धता

माघ ११, २०७९ बुधबार १६:५२:३५ | उज्यालो सहकर्मी

काठमाण्डौ – गृहमन्त्री रवि लामिछानेले हिजो संसद् भवन अगाडि आफैँलाई जलाएका कारण ज्यान गुमाएका इलामका प्रेमप्रसाद आचार्यले उठाएका विषयहरुमा छानबिन गर्ने बताउनुभएको छ ।

मृतकलाई श्रद्धाञ्जली दिन र आफन्तलाई सहानुुभूति दिन कीर्तिपुर अस्पताल पुग्नुभएका लामिछानेले आयार्यले धेरै गम्भीर विषय उठाएकाले सरकारले छानबिन गर्ने बताउनुभएको हो ।

आत्मदाह गर्नुअघि सामाजिक सञ्जालमा आचार्यले आफूले उद्यम गर्न खोज्दा बैंक, सहकारी, विभिन्न सुपर मार्केट, सरकारी कार्यालय लगायतबाट ठगिएको र धोका पाएको उल्लेख गर्नुभएको छ ।

‘उहाँले उठाएका छानबिन गर्नुपर्ने विषयलाई छानबिन गर्छाैँ, सचेत हुनुपर्ने विषयमा सचेत हुन्छौँ, मैले बोलेको कुरा पूरा गर्नेछु,’ आचार्यका आफन्तसँग गृहमन्त्री लामिछानेले भन्नुभयाे ।

आफूले देश र नागरिकका लागि केही गर्छु भनेर भर्खरै काम थाल्दा विभिन्न चुनौती आएको तर चुनौतीसँग नभाग्ने गृहमन्त्रीले बताउनुभयो ।

आत्मदाह गर्नुभएका आचार्यलाई सरकारले केही गर्छ भन्ने विश्वास दिलाउन नसकेकोमा आफू दुःखी भएको पनि गृहमन्त्री लामिछानेले बताउनुभएको छ ।

मृतककी श्रीमती नानुका आचार्यले आफ्ना छोराछोरीको भविष्य सुनिश्चित गरिदिन, आफूलाई सक्ने रोजगारी दिन र श्रीमानले लिएको आर्थिक ऋण तिरिदिन गृहमन्त्रीलाई आग्रह गर्नुभयो ।

देशमै केही गरौँ भन्ने मान्छे असक्षम प्रशासन र व्यापारिक घरानाका कारण मर्नुपरेको दुखेको पोख्दै नानुकाले अब यस्ता घटना दोहोरिन नदिन सचेत गराउनुभयो । गृहमन्त्रीले मृतकका आफन्तलाई भेटेसँगै आफन्तहरुले शव बुझेका छन् ।

हिजो आफूमाथि पेट्रोल छर्किएर आगो लगाई आत्मदाहको प्रयास गरेका इलामका ३७ वर्षीय आचार्यको आज बिहान उपचारका क्रममा मृत्यु भएको थियो ।

यसैबीच, मृतक प्रेमप्रसादआचार्यले न्याय पाउनुपर्ने माग गर्दै काठमाण्डौको माइतीघर मण्डलामा प्रदर्शन भएको छ ।

नागरिक समाजका अगुवा र युवाहरूले आचार्यको न्याय र उहाँ जस्तै लाखौँ नेपाली युवाहरूको न्यायकालागि सरकारसँग माग गरेका छन् ।

काठमाण्डौको माइतीघरमा जम्मा भएर नाराबाजीसहित बानेश्वर पुगेका उनीहरूले गरिखान सक्ने वातावरण बनाउन सरकारसँग माग गरेका छन् ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हिजो आत्मदाह गरेका प्रेमप्रसाद आचार्यले उठाएका विषयमा छानबिन गर्ने गृहमन्त्री लामिछानेका प्रतिबद्धता

फाइल तस्बिर

तपाईको प्रतिक्रिया