चोरको बिगबिगी बढेपछि प्यूठानको गौमखी गाउँपालिकामा घुमन्ते व्यापारीलाई प्रवेश निषेध

माघ ११, २०७९ बुधबार १८:८:३० | उज्यालो सहकर्मी

काठमाण्डौ – प्यूठानमा केही दिनयता चोरको बिगबिगी बढेको छ । पछिल्लो दुई हप्तायता प्यूठान नगरपालिका, तथा गौमुखी र झिमरुक गाउँपालिमा चोरले लाखौँ रुपैयाँ नगद र धनमाल लुटेका छन् ।

शृङ्खलाबद्ध रुपमा चोरी हुँदा पनि प्रहरीले चोरी गर्ने गिरोह पत्ता लगाउन सकेको छैन । चोरले हैरान गरेपछि गौमुखी गाउँपालिकाले घुमन्ते व्यापारीलाई गाउँपालिका प्रवेशमा रोक लगाएको छ ।

आज बसेको कार्यपालिकाको बैठकले कपाल किन्ने, सिडक डस्ना बनाउने, भाँडाकुँडा किनबेच गर्ने, जडिबुटीको कारोबार गर्ने लगायतका व्यापारीलाई गाउँ प्रवेशमा रोक लगाएको अध्यक्ष विष्णु गिरीले उज्यालोलाई जानकारी दिनुभयो ।

व्यापारी भन्दै गाउँ पस्ने र लुट्ने क्रम बढेकाले घुमन्ते व्यापारीलाई प्रवेश निषेध गरिएको र अपरिचित व्यक्तिबाट सचेत रहन स्थानीयलाई आग्रह गरेको उहाँले बताउनुभयो । शंकास्पद गतिविधि देखेमा तुरुन्त गाउँपालिका र प्रहरीमा फोन लगाउन पनि उहाँले आग्रह गर्नुभएको छ । यस्तै गाउँपालिकाले चोर समात्ने व्यक्तिलाई १० हजार रुपैयाँ पुरस्कार दिने पनि घोषणा गरेको छ ।

एक विद्यालयको सीसीटीभी क्यामेराकोसमेत तार काटेर चोरीको प्रयास भएको अध्यक्ष गिरीले बताउनुभयो । पेन्सन बुझेका, बैंक तथा सहकारी संस्थाबाट पैसा झिकेका र आर्थिक कारोबारमा संलग्न भएका घरहरु छानेर चोरी भइरहेको गिरीको भनाइ छ ।

जिल्लाबाट चोर पत्ता लगाउन नसकेपछि केही दिनअघि झिमरुक गाउँपालिकाले गृह मन्त्रीलाई नै पत्र पठाएर चोरी नियन्त्रणमा सहयोग गरिदिन आग्रह गरेको थियो ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्