राहदानी विभागमा अझै उस्तै भिड, घण्टौँ लाइनमा बस्नु पर्ने बाध्यता हटेन

 माघ १२, २०७९ बिहीबार ८:३:७ | उज्यालो सहकर्मी
unn.prixa.net

फाइल तस्बिर

काठमाण्डाै - सरकारले लाइन लाग्नुपर्ने बाध्यता हटाउन निर्देशन दिएको महिना दिन पुग्नै लाग्दा पनि राहदानी विभागमा हुने भिड अझै हट्न सकेको छैन ।

सेवाग्राही घण्टौँ लाइनमा बस्नु पर्ने बाध्यता उस्तै रहेको छ । यसअघि प्रधानमन्त्री पुष्पकमल दाहाल प्रचण्ड र गृहमन्त्री रवि लामिछानेले भिड व्यवस्थित गर्न निर्देशन दिनुभएको थियो । तर राहदानी विभागबाहिर पासपोर्ट बनाउनेहरुको भिड अहिले पनि उस्तै देखिन्छ ।

सरकारले पटक पटक निर्देशन दिएपछि राहदानी बनाउन केही सहज हुने भयो भन्ने सेवाग्राहीको आश रहे पनि अझैसम्म निर्देशन कार्यान्वयन नहुँदा निराशा छ । घण्टौँ उभिँदा पनि पालो पाउन नसक्ने अवस्था रहेको गुल्मीको धुर्कोट गाउँपालिकाकी शान्ता जिसिको गुनासो छ ।

राहदानी बनाउन पहिले जे समस्या थियो, अहिले पनि उस्तै समस्या रहेको उहाँको भनाइ छ । अनलाइनमा आवेदन दिन तथा कार्यालयमा गएर फोटो खिच्ने र बायोमट्रिक गर्ने समय पाउनै मुस्किल छ । त्यसैमाथि साइट नचल्ने, जसोतसो साइट खुलिहाले पनि आवेदन पेस गर्न नसकिने समस्या छ । निःशुल्क भर्न मिल्ने फारामका लागि पनि पैसा तिर्नुपर्ने बाध्यता रहेको राहदानी विभागमा भेटिएका रामेछाप मन्थलीका सरोज राईले बताउनुभयो । राहदानी विभागकै वरिपरि रहेका साइबरहरुले भने मनग्य पैसा लिएर अनलाइन आवेदन भरिदिने गरेका छन् ।

जिल्लाबाटै राहदानी बनाउन मिल्ने भए पनि छिटो चाहिनेका लागि काठमाण्डौको राहदानी विभाग नै आउनुपर्छ । बेलाबेला पर्ने सरकारी बिदा, विभागभित्रको प्राविधिक समस्या र कर्मचारिको ढिलासुस्तीले पनि छिटो काम हुन नसकेको सेवाग्राहीको गुनासो छ ।

राहदानी विभागकी प्रवक्ता तथा निर्देशक दुरुपदा सापकोटाले भने समस्या र सेवाग्राहीको गुनासो सम्बोधन गर्ने पहल भइरहेको दाबी गर्नु भएको छ । उहाँका अनुसार भिड घटाउन कार्ययोजना बनाएर कार्यान्वयन गर्ने तयारी छ। कार्ययोजना खाका छलफलकै क्रममा रहेको र यसको जिम्मेवार सबै निकायबाट पारित भएपछि कार्यान्वयन हुने विभागका प्रवक्ता सापकोटाले बताउनुभएको छ । अबको दुई/तीन महिनामा देखिने गरी सुधार हुने उहाँको दाबी छ।

अन्तिम अपडेट: माघ ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • देवीलाल पौडेल

    Jan. 26, 2023, 10:56 a.m.

    संघियता को लाभ लिनबाट जनता बन्चित भएपछी प्रदेश खारेज गरे हुन्छ, होइन भने प्रदेश राजधानी बाट तुरुन्तै बिना कुनै उल्झन जनाताले राहदानी पाउनु पर्यो | देशमा राहदानी प्रिन्ट गर्ने मेशिन र सिस्टम हरेक प्रदेश राजधानीमा संचलान गर्नलाई के ले रोकेको छ ? यो सानो कुरा पनि सोच्न सकिदैन? यो सम्भव छ र सकिन्छ तर हाम्रो देशमा यस्तै भैरहन्छ र चली रहन्छ | हामिले परदेशीएका हरु नेपाल मा काम गर्ने अनुकुल वातावरण भैदिने हो भने परदेशीने बाध्यता हुने थिएन |

  •  0 Reply

तपाईको प्रतिक्रिया

समाचार

लोकप्रिय

१

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

२

बिहेको उमेर घटाउने काइदा : माननीय र प्रहरीलाई फाइदै फाइदा !

३

इरानलाई हराउँदै नेपालको पुरुष टोली पनि खो–खो विश्वकपको फाइनलमा

४

पालिकामा जनप्रतिनिधि छान्न छुट्टाछुट्टै मतपत्रको प्रयोग गर्न निर्वाचन आयोगको प्रस्ताव

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई