खोटाङ : लामीडाँडा विमानस्थलमा उडान नहुँदा दर्जनाैँ होटलमा ताला

माघ २०, २०७९ शुक्रबार १९:१:१५ | उज्यालो सहकर्मी

खाेटाङ - खोटाङको लामीडाँडा विमानस्थलमा उडान बन्द हुँदा दर्जनौँ होटलमा वर्षाैँदेखि ताला लागेकाे छ । रावाबेसी गाउँपालिका–३ लामीडाँडामा रहेकाे विमानस्थलमा २०७३ सालदेखि उडान नहुँदा दर्जनौँ होटलमा ताला लागेको हो ।

२०२८ सालदेखि सञ्चालनमा आएको लामीडाँडा विमानस्थलमा उडान नहुँदा होटल तथा पसल सुनसान बनेको स्थानीय व्यवसायी जगत थापाले बताउनुभयो । विमानस्थलका कारण आर्थिक केन्द्रका रुपमा विकास हुँदैगएको लामीडाँडामा हिजोआज मानिस आउन छाडेका छन् । दुई चार वटा बाहेक अन्य होटलहरुमा ताला लागेको छ । होटल तथा पसल अगाडि झारपात पलाएको छ । भिडभाड हुने होटल चल्न छाडेपछि प्रायजसाे व्यवसायी पुरानै पेसा खेतीपातीतिर फर्किएका छन् ।

खोटाङका तीन वटा विमानस्थलमध्ये लामीडाँडा विमानस्थल सबैभन्दा पुरानो विमानस्थल हो । कच्ची र धुलाम्मे विमानस्थल हुँदा नियमित उडान भइरहेको विमानस्थलमा कालोपत्रे गरेपछि भने उडान हुन छाडेको लामीडाँडाका वडासदस्य महेशकुमार श्रेष्ठले बताउनुभयो ।

कालोपत्रे गरिएपछि लामीडाँडामा २०७६ असार ३ गते परीक्षण उडान भरिएको थियो । त्यसयता विमानस्थलमा उडान हुन सकेको छैन । उडान नहुँदा रावाबेसी गाउँपालिका, ऐँसेलुखर्क गाउँपालिका र केपिलासगढी गाउँपालिका, ओखलढुङ्गाको कुइभीर र सोलुखुम्बुका केही ठाउँका स्थानीय मारमा परेका रावाबेसी गाउँपालिकाका अध्यक्ष फटिककुमार श्रेष्ठले बताउनुभयो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्