परदेशबाट देश आउँदा चित्त दुख्छ

माघ २९, २०७९ आइतबार १३:४५:४२ | मेरो कथा मेरो भोगाई

रमेश क्षत्री/पोखरा, हाल सिसेल्स ।

परदेशीलाई घर आउँदा जति खुसी अघिपछि कहिले होला र । घर आउने भनेर सोच्न थालेदेखि नै मन खुसी हुन्छ ।

जब देशमा पाइला टेकिन्छ मन त खुसीले नाचेको हुन्छ । तर जब देशको व्यवस्था र अस्तव्यस्त अवस्था देख्छु तब मन चसक्क दुख्छ । लाग्छ आमा बिनाको सन्तानजस्तै लाग्छ देश ।

विमानस्थलमा पाइला टेकेदेखि नै सास्ती सुरु हुन्छ । बाहिर निस्कियो जताततै गगनचुम्बी भवन मात्र देखिन्छ । बाटो हेर्‍यो उस्तै भिडभाड । लाग्छ यहाँ सबै जना दौड जित्न निस्किएका हुन् । जता हेर्‍यो त्यतै मान्छेको भिड पनि थेगी नसक्नुको छ । जब म काठमाण्डौबाट घर जान बसको यात्रा गर्छु त्यति बेला त झन् अचम्मै लाग्छ ।

अनि कामदार भएरै काम गरेको देश किन नहोस् विदेशको सिस्टमको याद आउँछ । विदेशमा त सार्वजनिक यातायात पनि कति सिस्टमले चल्छ । यहाँ त बार्गेनिङ अनि तानातान र मोलमोलाइ हुन्छ । अनि मनले भन्छ सायद देशका नेताले वातावरण राम्रो बनाइदिएका भए यस्तो हुन्थे न कि ।

बाटोका खाल्डाखुल्डी, जाम र ठाउँ ठाउँमा बिना कारण रोकिदिने प्रवृत्ति । चार पाँच घण्टाको दूरीको बाटोमा पनि कम्तीमा १० घण्टा लाग्छ । यो देख्दा त साँच्चै मन दुख्छ । रुन मन नै लाग्छ । घरसम्म पुग्दा त धुलो र धुवाले नै बिरामी परिन्छ झैँ हुन्छ ।

घरकाले पनि चिन्लान् कि नचिन्लान् भन्ने लाग्छ । सुकिला ब्यागहरू धुलोले परिएका हुन्छन् । कपाल धुलोले सेतै भएको हुन्छ । ज्यान दुखेर थिलथिलो भएको हुन्छ ।

अरू देशहरूमा विकासले फड्को मारेर के के भइसक्यो । हाम्रो देशमा आज पनि हाल त्यस्तै छ । गाउँ गाउँमा केही नभए पनि यातायातको सुविधा भयो भने जीवनयापन गर्न सहज हुन्छ ।

तर खै देश त पशुपतिनाथ कै कृपाले चलिरहेको छ । हामी त रोजगारी नपाएर परदेशिएकाे मानिसले आफैलाई धिक्कार्नु बाहेक उपाय पनि के छ र !

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

नैन बहादुर खत्री
Feb. 12, 2023, 8:12 p.m.
हुन पनि नेपाल काहा छ? के हुदै छ? किन एस्तो छ? याह के छैन? हजारौ प्रस्न उठछन्उठछन्?तर ति सपना भनौ भने प्रजातन्त्र कहा छ? कठै पर्देशी को कथा। केहि गर्छु बन्ने लाइ गाहारो छ्। अती राम्रो लेख्।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

परदेशबाट देश आउँदा चित्त दुख्छ

रमेश क्षत्री/पोखरा, हाल सिसेल्स ।

1 Comments

नैन बहादुर खत्री

तपाईको प्रतिक्रिया

तपाईको प्रतिक्रिया