सुरुङमार्गको अध्ययनका लागि काठमाण्डौ विश्वविद्यालय र काभ्रेको बेथानचोक गाउँपालिकाबीच सम्झौता

फागुन १८, २०७९ बिहीबार ८:२६:२७ | उज्यालो सहकर्मी

काठमाण्डौ – काभ्रेको ढुङ्खर्क–च्याम्राबेंसी सुरुङमार्गको प्राविधिक अध्ययनको जिम्मा बेथानचोक गाउँपालिकाले काठमाण्डौ विश्वविद्यालयलाई दिएको छ ।

काठमाण्डौ विश्वविद्यालय र गाउँपालिकाबीच तीनबुँदे सम्झौतापत्रमा हस्ताक्षर भएको छ । सुरुङमार्गले काभ्रेको बेथानचोक गाउँपालिका–१ र ४ वडा जोड्नेछ ।

सम्झौताअनुसार काठमाण्डौ विश्वविद्यालयले सुरुङमार्गस्थलको वातावरणीय प्रभाव, भौगर्भिक अवस्था, टनेलको सम्भावित डिजाइन र अनुमानित लगानीसमेतको अध्ययन गरी गाउँपालिकालाई प्रतिवेदन पेस गर्नेछ ।

सम्झौतापत्रमा विश्वविद्यालयको तर्फबाट उपकुलपति भोला थापा र गाउँपालिकाको तर्फबाट अध्यक्ष भगवान अधिकारीले हस्ताक्षर गर्नुभएको थियो ।

समझदारीपत्रमा प्रारम्भिक प्राविधिक अध्ययन गर्ने विषय उल्लेख गरिएको छ । सुरुङको लम्बाइ एक देखि एक दशमलव पाँच किलोमिटरसम्म हुने अनुमान गरिएको गाउँपालिकाका अध्यक्ष अधिकारीले बताउनुभयो ।

सुरुङमार्ग निर्माणका लागि गाउँपालिकाले १० लाख रुपैयाँ विनियोजन गरेको समेत अध्यक्ष अधिकारीले जानकारी दिनुभयो ।

बेथानचोक–४ को सेती भिरमा समय समयमा गइरहने सुक्खा पहिरोबाट हुने सडक बन्दको दिगो समाधानका लागि सुरुङमार्ग निर्माण गर्न लागिएको हो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुरुङमार्गको अध्ययनका लागि काठमाण्डौ विश्वविद्यालय र काभ्रेको बेथानचोक गाउँपालिकाबीच सम्झौता

फाइल फाेटाे

तपाईको प्रतिक्रिया