विभिन्न जिल्लाबाट आई काठमाण्डौ उपत्यकामा बस्दै आएकाहरूले यी ५ ठाउँबाट राष्ट्रिय परिचयपत्र बनाउन सक्ने

 फागुन १८, २०७९ बिहीबार १४:२६:४८ | उज्यालो सहकर्मी
unn.prixa.net

प्रतीकात्मक तस्बिर

काठमाण्डाै – राष्ट्रिय परिचयपत्र तथा पञ्जीकरण विभागले काठमाण्डौ उपत्यकाभन्दा बाहिरका जिल्लाबाट आई उपत्यकामा बसोवास गरेका नागरिकहरूलाई राष्ट्रिय परिचयपत्र बनाउन पाँच ठाउँ तोकेको छ ।

विभागले एक सूचना निकालेर उपत्यकामा रहेका देशका विभिन्न जिल्लाका बासिन्दाले काठमाण्डाैबाटै राष्ट्रिय परिचयपत्र बनाउनका लागि ठाउँ तोकेको जानकारी गराएको हो । विभागको सूचनाअनुसार जिल्ला प्रशासन कार्यालय काठमाण्डौबाट बाग्मती प्रदेशका ललितपुर र भक्तपुरबाहेकका सबै जिल्ला र मधेस प्रदेशका पर्सा र धुनषाका बासिन्दाले परिचयपत्र बनाउन सक्नेछन् ।

त्यस्तै जिल्ला प्रशासन कार्यालय ललितपुरबाट कर्णाली र सुदूरपश्चिम प्रदेशका सबै जिल्लासँगै मधेस प्रदेशका सप्तरी र सर्लाहीका बासिन्दाले परिचयपत्र बनाउन पाउनेछन् । कोशी, लुम्बिनी र गण्डकी प्रदेशका सबै जिल्लासँगै मधेस प्रदेशका सिरहा, महोत्तरी, बारा र रौतहटका बासिन्दाले नारायणहिटी दरबार परिसरबाट परिचयपत्र बनाउने व्यवस्था गरिएको विभागले जनाएको छ ।

यस्तै नेपाल सरकार तथा मातहतका कर्मचारी, पूर्वकर्मचारी तथा विशिष्ट पदाधिकारीले राष्ट्रिय परिचयपत्र तथा पञ्जीकरण विभागबाट परिचयपत्र बनाउन पाउनेछन् । राष्ट्रिय सभा गृहबाट सरकारी कर्मचारीका परिवारले राष्ट्रिय परिचयपत्र बनाउने व्यवस्था गरिएको विभागको सूचनामा उल्लेख छ ।

राष्ट्रिय परिचयत्रप बनाउन जाँदा नागरिकताको प्रमाणपत्रपको सक्कल, बसाइँ सरी आएकाको हकमा बसाइँसराइ प्रमाणपत्रको सक्कल, विवाहितको हकमा विवाह दर्ता प्रमाणपत्र वा नाता खुल्ने प्रमाणपत्रको सक्कल, कर्मचारी भए कार्यालयको सिफारिस र पूर्वकर्मचारी भए पेन्सनपट्टा तथा कर्मचारीका परिवारका लागि कर्मचारीको परिचयपत्रको प्रतिलिपी लैजान विभागले जानकारी गराएको छ । यस्तै देशभरका सबै जिल्ला प्रशासन कार्यालय र ४२ वटै इलाका प्रशासन कार्यालयबाट पनि राष्ट्रिय परिचयपत्र बनाउने काम भइरहेको विभागका महानिर्देशक रुद्रप्रसाद पण्डिले जानकारी दिनुभयो ।

अन्तिम अपडेट: माघ ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Lokendra puri

    March 2, 2023, 4:48 p.m.

    Hi Taha rastiya parichaya Patra bonauna Form varara aeuni ki direct aeuda huncha pls SMS me thanku

  •  0 Reply

तपाईको प्रतिक्रिया

समाचार

लोकप्रिय

१

भारतको तमिलनाडुमा साँढे जुधाइ प्रतियोगिताकाे क्रममा सात जनाको ज्यान गयो

२

यू–१९ महिला विश्वकप : अष्ट्रेलियाले स्कटल्याण्डलाई हरायो

३

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

४

शिक्षकहरुद्वारा योगदानमा आधारित पेन्सन योजनाको विरोध, आन्दोलन गर्ने चेतावनी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई