भुटानी राजबन्दीकाे रिहाइका लागि ह्युमन राइट्स वाचले गरेकाे पहलकाे स्वागत

चैत १, २०७९ बुधबार २०:२८:४० | उज्यालो सहकर्मी

काठमाण्डाै – भुटानमा राजनीतिक बन्दीकाे रिहाइका लागि सञ्चालित ग्लोबल अभियान (जीसीआरपीपीबी), हेगमा रहेकाे मानव अधिकार सङ्गठनले भुटानमा राजनीतिक बन्दीहरूकाे रिहाइका लागि अन्तर्राष्ट्रिय मानव अधिकारवादी संस्था ह्युमन राइट्स वाच (आरएचडब्ल्यू) ले गरेकाे पहलकाे स्वागत गरेकाे छ ।

आरएचडब्ल्यूले हिजाे साेमवार राति न्युयाेर्कबाट एक प्रतिवेदन निकालेर भुटानमा जेलमा रहेका सबै राजबन्दीको सजाय खारेज गर्दै उनीहरूलाई विना सर्त रिहाइ गर्न माग गरेको थियाे । प्रतिवेदनमा विभिन्न जेलमा रहेका ३७ जना भुटानी बन्दीहरूको विवरण पनि सार्वजनिक गरिएकाे थियाे ।

यसबीच जीसीआरपीपीबीले एम्नेस्टी इन्टरनेशनल, संयुक्त राष्ट्र मानव अधिकार परिषद्, युराेपेली सङ्घ, अमेरिकी विदेश विभाग र अन्य सबै प्रमुख अन्तर्राष्ट्रिय निकायहरूलाई दशकाैँदेखि जेलमा सजाय काटिरहेका राजबन्दीहरूकाे रिहाइका लागि भुटानमाथि दबाब बनाउनका लागि एचआरडब्ल्यूमा जाेडिन आग्रह गरेकाे छ ।

जीसीआरबीले भुटानका जेलमा रहेका राजबन्दीहरूलाई तत्काल रिहा गर्न माग गर्नुका साथै सबै राजबन्दीहरूकाे विवरण सार्वजनिक गर्न र हराइरहेका दुई राजबन्दी बमबहादुर तिवारी र लाेकनाथ आचार्यकाे अवस्थाबारे जानकारी गराउन पनि भुटान सरकारसँग आग्रह गरेकाे छ । यी दुवै मानव अधिकारकर्मीलाई क्रमशः सन् १९९० र २०१४ काे सुरुवातमा पक्राउ गरिएकाे थियाे ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्