मिटरब्याज पीडितलाई गृह मन्त्री श्रेष्ठकाे आश्वासन– ‘माग सम्बोधन हुन्छ, घर फर्किनुहोस्’

चैत १९, २०७९ आइतबार १३:२३:४७ | उज्यालो सहकर्मी

काठमाण्डाै – उपप्रधान एवम् गृह मन्त्री नारायणकाजी श्रेष्ठले मिटरब्याज पीडितहरूसँग सरकारले गरेको सहमति कार्यान्वयन हुने बताउनुभएको छ ।

आइतवार स्वास्थ्य परीक्षणपछि आ–आफ्नो घर फर्किन लागेका मिटरब्याज पीडितहरूलाई भेट्न पुग्नुभएका गृह मन्त्री श्रेष्ठले सरकारले गरेको सम्झौता कार्यान्वयन हुने बताउनुभएको हो । उहाँले पीडितसँग अवस्था बुझ्दै भन्नुभयो, ‘तपाईँहरू ढुक्क भएर घर फर्किनुहोस् । तपाईँका माग पूरा गर्ने सन्दर्भमा सहमतिअनुसार लाग्नुपर्ने न्यूनतम समयभन्दा धेरै समय लाग्दैन ।’

मन्त्री श्रेष्ठले समस्या समाधानका लागि आयोग बनाउने प्रस्ताव मन्त्रिपरिषदमा पुगिसकेको भन्दै आवश्यक निर्णय गरेर प्रक्रिया अगाडि बढ्ने पनि बताउनुभयो । सञ्चारकर्मीहरूसँग कुराकानी गर्दै उहाँले पीडितहरू सरकारसँग गरेको सम्झौता कार्यान्वयन हुनेमा विश्वस्त भएर फर्किन लागेका पनि बताउनुभयो ।

उहाँले भन्नुभयो, ‘वार्ता भएर हामीले सहमति पनि गरिसकेका छौँ । उहाँहरू अब फर्किने तयारीमा हुनुहुन्छ । उहाँहरूले हामी विश्वस्त भएर जादैछौँ, आजै बेलुका जान्छौँ होला भन्नुभएको छ । सहमति कार्यान्वयन हुन्छ, उहाँहरू ढुक्क हुनुहुन्छ । आयोग बनाउने कानुनको प्रक्रिया अगाडि बढिसकेको छ । प्रस्ताव मन्त्रिपरिषदमा छ ।’

पीडितहरू पनि सहमति कार्यान्वयन हुनेमा विश्वस्त देखिएका छन् । सञ्चारकर्मीहरूलाई प्रतिक्रिया दिँदै उनीहरूले आफूहरूले न्याय पाउनेमा विश्वास व्यक्त गरे । एक पीडित मनाेजकुमार पासवानले आफूहरू भोलि (सोमवार) सम्ममा गाउँ फर्किसक्ने बताउनुभयो । गाउँसम्म पुग्ने व्यवस्थापन आफूहरू स्वयंले गरेको उहाँले जानकारी दिनुभयो ।

मिटरब्याज पीडितका समस्या समाधान गर्न सरकारसँग सहमति भएपछि उनीहरू गृह जिल्ला फर्कने तयारीमा छन् ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मिटरब्याज पीडितलाई गृह मन्त्री श्रेष्ठकाे आश्वासन– ‘माग सम्बोधन हुन्छ, घर फर्किनुहोस्’

फाइल तस्बिर

तपाईको प्रतिक्रिया