विमानस्थलमा कतै स्याल कुद्ने, कतै गिद्ध उड्ने, अनि कतै भिड बढ्यो भन्दै आफन्त रोक्ने !

असार १९, २०८० मंगलबार १४:५७:२० | मेरो कथा मेरो भोगाई

जनक गोले/हाल यूएई ।

केही दिन अघि मात्र त्रिभुवन अन्तर्राष्ट्रिय विमानस्थलले विदेश जानेलाई बिदाइ गर्न तीन जना मात्र जान पाउने बताएको छ । विमानस्थलमा भिडभाड र सुरक्षाको कारण देखाउँदै विमानस्थलले यस्तो नियम लागू गरिएको बताएको छ।

विमानस्थलको यो नियमसँगै अब आफ्ना मानिस विदेश जाँदा तपाईँ हामी तीन जना मात्र विमानस्थलमा बिदाइ गर्न जान पाउँछौँ । थुप्रैलाई यो नियम राम्रो लागेको छ । तर मलाई भने यस व्यवस्था त्यति चित्त बुझेको छैन ।

मलाई लाग्छ यो नियम बनाउनेले कहिले पनि बिछोडको पीडा भोगेकै छैन । त्रिभुवन अन्तर्राष्ट्रिय विमानस्थल एक मात्र विकल्प होइन । अर्बौं रकम खर्चिएर सरकारले थप दुई वटा विमानस्थल बनाइसकेको छ । दुई वर्ष हुन लागिसक्यो गौतमबुद्ध अन्तर्राष्ट्रिय विमानस्थल निर्माण भएको । तर यो विमानस्थलबाट नियमित उडान कहिले होला भनेर कुर्न परेको छ ।

धन्न एउटा विदेशी जहाजले इज्जत धानेको छ । नेपाल एअरलाइन्सले अब उडान गर्ने कुराले खुसी त बनाएको छ । तर कहिलेसम्म होला भन्ने चिन्ता पनि छ । उता पोखरा विमानस्थल उद्घाटन भएर पनि अन्तर्राष्ट्रिय उडानहरू हुन सकेको छैन । अब कहिलेदेखि हुन्छ भन्ने पनि यकिन छैन ।

तर यसतर्फ सरकारले ध्यान दिएको देखिँदैन । अर्बौँको लगानी गरेर आफ्नो स्रोत साधन खर्चेर तयार भएका विमानस्थललाई व्यवस्थित गरेर उपयोगमा ल्याएर सुविधा दिनेबारे सरकारले कहिले सोच्ने होला ।

अनि भएको एउटा विमानस्थलबाट सबै जना विदेश उडेपछि भिडभाड त भइनै हाल्छ नि । हाम्रो विमानस्थलमा सरकारले सुरक्षाको कुरा गर्दा पनि उदेक लाग्छ । कहिले स्याल कुद्छन् त कहिले बाँदर ।

तर वर्षौँ वर्ष भेट नहुने आफन्तलाई बिदाइ गर्न विभिन्न ठाउँबाट आइपुग्नेहरूलाई चाहिँ गेटमै रोक्नु कतिको उचित होला । हुन त तपाईँलाई सही हो भन्ने पनि लाग्न सक्छ । किनकि बिदाइ त घरमै गर्दा भइहाल्यो नि भन्ने सोच पनि धेरैको छ ।

देशै छोडी जानेलाई विमानस्थलमा पुगेर हात हल्लाउनुको अर्थ सबैले अनुभव नगर्न सक्छन् ।

यदि नेपालमा भएका विमानस्थलहरू सञ्चालनमा आएमा काठमाण्डौमा रहेको विमानस्थलमा भीड त यसै घट्छ । तीन जना, पाँच जना भनेर सरकारले रोक्नै पर्दैन ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Durga Shrestha
July 4, 2023, 8 p.m.
सारै मन पर्यो सर हजुरको बिचार🙏 यसको बारेमा नेपाल सरकारले सक्दो छिटो ध्यान दिनुपर्ने देखिन्छ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विमानस्थलमा कतै स्याल कुद्ने, कतै गिद्ध उड्ने, अनि कतै भिड बढ्यो भन्दै आफन्त रोक्ने !

जनक गोले/हाल यूएई ।

1 Comments

Durga Shrestha

तपाईको प्रतिक्रिया

तपाईको प्रतिक्रिया