मेस्सी र रोनाल्डो बिनाको एल क्लासिको : बार्सिलोनाले रियललाई ५–१ ले हरायो

कात्तिक ११, २०७५ आइतबार २३:११:५७ | एजेन्सी

स्पेनिस ला लिगाको एल क्लासिकोमा रियल मड्रिडविरुद्ध बार्सिलोना ५–१ गोल अन्तरले विजयी भएको छ ।

११औं मिनेटमा फिलिप काउटिन्होले गोल गर्दै बार्सिलोनालाई अग्रता दिलाएका थिए । ३०औं मिनेटमा लुइस स्वारेजले पेनाल्टी मार्फत गोल गर्दै बार्सिलोनाको अग्रता दोब्बर बनाएका थिए । रियलमा राफेलले स्वारेजलाई तानेर लडाएपछि बार्साले पेनाल्टीको अपिल गरेको थियो । ‘भार’ प्रयोग गर्दै रेफ्रीले पेनाल्टी प्रहार गर्न दिएपछि स्वारेजले गोल गरेका थिए ।

एल क्लासिकोमा भार पहिलो पटक प्रयोग गरिएको हो । पहिलो हाफमा २ गोलले पछि परेको रियलका लागि ५०औं मिनेटमा मार्सेलोले गोल गर्दै रियललाई खेलमा फर्काउने प्रयास गरेका थिए । ७५औं मिनेटमा स्वारेजले व्यक्तिगत दोस्रो तथा बार्सिलोनाका लागि तेस्रो गोल गरेका थिए । ३ गोलले पछि परेपछि लय गुमाएको रियलमाथि बार्सिलोना हावी हुने क्रममा ८३औं मिनेटमा स्वारेजले ह्याट्रिक पूरा गरे । सर्जियो रोबर्टोको पासमा गोल गर्दै स्वारेजेल ह्याट्रिक पूरा गरेका हुन् ।

डेम्बेलेको पासमा अटुरो भिडालले ८८ औँ मिनेटमा गोल गर्दै बार्सिलोनालाई रियलमाथि ५–१ को फराकिलो जित दिलाए ।

सन् २००७ यता पहिलो पटक क्रिष्टियानो रोनाल्डो र लियोनल मेस्सीबिनाको ला लिगाको एल क्लासिकोमा बार्सिलोनाले पहिलो हाफमा २ गोलको अग्रता बनाएको थियो । मेस्सी र रोनाल्डोबिनाको एल क्लासिको खल्लो हुने अनुमान गरिए पनि आजको खेलमा लुइस स्वारेजले ह्याट्रिक गरेका छन् ।

यसै सिजनमा रियल छाडेर रोनाल्डो युेभन्टस गएका छन् भने अस्वस्थ भएका कारण मेस्सी खेलेका छैनन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्