बेलायतको साउथह्याम्प्टनमा रहेको एउटा चर्चित गैरनाफामूलक बुक स्टोर हो अक्टोबर बुक्स ।

गएको जुलाईमा ४० वर्षे लामो इतिहास बोकेको यो बुक स्टोर रहेको ठाउँको भाडा बढाइयो । भाडा बढाएपछि बुक स्टोर अर्कै ठाउँमा सर्नुपर्‍याे। 

बुक स्टोर सार्नका लागि स्थानीय रुपमा चन्दा संकलन कार्यक्रम भैरहेको छ । पोर्ट्सउडमा सार्नका लागि स्थानीय नागरिकले सहयोग गरिहेका छन् । 

नयाँ ठाउँमा पाइए पनि पुस्तकहरु र दराजहरु सार्न भने समस्या देखिएको थियो । त्यसैले अक्टोबर बुक्सले पुस्तक र दराज सार्न समुदायसँग सहयोगको अपील गर्‍याे । 

Its all go in #Portswood as our Human Chain in moving books hand to hand from old shop to new. Over 175 people are part of it! pic.twitter.com/D7Mpew3UdY

— OctoberBooks (@OctoberBooks) 28 October 2018

आइतबार झण्डै २०० जना स्थानीय नागरिकले मानव साङ्लो नै बनाएर पुस्तक सारे । उनीहरुले केही घण्टामा नै एकले अर्कोलाई पुस्तक पास गर्दै २ हजार पुस्तक नयाँ ठाउँमा सारे । पुस्तक सार्नका लागि स्वतःस्फूर्त रुपमा स्थानीय नागरिकहरु सडकमा आएका छन् । सबै पुस्तक सार्न अझै केही दिन लाग्ने अक्टोबर बुक्सले जनाएको छ ।

नोभेम्बर ३ सम्ममा नयाँ ठाउँमा स्टोर खुलिसक्ने अक्टोबर बुक्सले जनाएको छ ।