वैदेशिक रोजगारीमा जान चाहनेहरूका लागि खाने बस्ने सुविधासहित निःशुल्क सीप तालिमको अवसर

 भदौ १५, २०८० शुक्रबार १६:१५:५५ | उज्यालो सहकर्मी
unn.prixa.net

काठमाण्डौ – वैदेशिक रोजगारीमा जान चाहनेहरूका लागि काठमाण्डौ, पोखरा, बुटवल लगायतका ठाउँमा खाने बस्ने सुविधासहित निःशुल्क सीप तालिम सञ्चालन हुने भएको छ । 

महिला र पुरुषका लागि विभिन्न फरक फरक विषयमा सुरक्षित आप्रवासन सामी कार्यक्रमले निःशुल्क सीप तालिम प्रदान गर्न लागेको हो । वैदेशिक रोजगारीमा जाने तयारी गरिरहेका पुरुषका लागि विभिन्न सात वटा विषयमा तालिम सञ्चालन हुने सामीले जनाएको छ  । ३० दिनसम्म सञ्चालन हुने निःशुल्क सीप तालिममा खाने बस्ने सुविधासमेत उपलब्ध छ । 

 पुरुषका लागि सीप तालिम

 डकर्मी सम्बन्धी सीप तालिम यही भदौ १७ गतेदेखि पोखरामा सुरु हुँदै छ । यो तालिम लिनका लागि शैक्षिक योग्यता ५ कक्षाभन्दा माथिको हुनुपर्छ भने १९ देखि ३८ वर्ष उमेर समूहको हुनुपर्छ । राहदानी वा राहदानीको आवेदन दिएको रसिद तथा नागरिकता आवश्यक पर्छ । तालिममा सहभागी हुन मेडिकल पास भएको हुनुपर्छ । मेडिकल भने तालिम लिन चाहने व्यक्ति आफैँले आफ्नो खर्चमा गर्नु पर्छ । यस्तै तालिमको क्रममा लगाउनको लागि सेफ्टी सुज(जुत्ता) आफैँले किन्न पर्छ । यस्तो सुज झण्डै १२ सय रुपैयाँ पर्छ । 

यस्तै सामीले प्रदान गर्ने निःशुल्क सीप तालिममा अर्को किचन हेल्परको तालिम रहेको छ । यो तालिम पनि भदौ १७ गतेदेखि पोखरामा सञ्चालन हुँदै छ । यो तालिम लिनका लागि शैक्षिक योग्यता १० कक्षाभन्दा माथिको हुनुपर्छ भने १९ देखि ३८ वर्ष उमेर समूहको हुनुपर्छ । राहदानी वा राहदानीको आवेदन दिएको रसिद तथा नागरिकता आवश्यक पर्छ । तालिममा सहभागी हुन मेडिकल पास भएको हुनुपर्छ । मेडिकल भने तालिम लिन चाहने व्यक्ति आफैँले आफ्नो खर्चमा गर्नु पर्छ । 

यस्तै शटरिङ कारपेन्ट्री(फर्मा लगाउने) सीप तालिम भदौ २५ गतेदेखि काठमाण्डौमा सुरु हुँदै छ । यो तालिम लिन चाहनेहरूको शैक्षिक योग्यता ८ कक्षाभन्दा माथिको हुनुपर्छ भने १९ देखि ३८ वर्ष उमेर समूहको हुनुपर्छ । राहदानी वा राहदानीको आवेदन दिएको रसिद तथा नागरिकता आवश्यक पर्छ । तालिममा सहभागी हुन मेडिकल पास भएको हुनुपर्छ । मेडिकल भने तालिम लिन चाहने व्यक्ति आफैँले आफ्नो खर्चमा गर्नु पर्छ । यस्तै तालिमको क्रममा लगाउनको लागि सेफ्टी सुज(जुत्ता) आफैँले किन्न पर्छ । यस्तो सुज झण्डै १२ सय रुपैयाँ पर्छ । 

वेल्डर सम्बन्धी तालिम पनि भदौ १७ गतेदेखि पोखरामा सुरु हुँदैन । यो तालिम लिनका लागि शैक्षिक योग्यता ८ कक्षा पास भएको हुनुपर्छ भने १९ देखि ३८ वर्ष उमेर समूहको हुनुपर्छ । राहदानी वा राहदानीको आवेदन दिएको रसिद तथा नागरिकता आवश्यक पर्छ । तालिममा सहभागी हुन मेडिकल पास भएको हुनुपर्छ । यस्तै तालिमको क्रममा लगाउनको लागि सेफ्टी सुज(जुक्ता) आफैँले किन्न पर्छ । यस्तो सुज झण्डै १२ सय रुपैयाँ पर्छ । 

इन्डस्ट्रियल इलेक्ट्रीसियन सम्बन्धी सीप तालिम भदौ १७ गतेदेखि पोखरामा र भदौ २४ गतेदेखि बुटवलमा सञ्चालन हुने भएको छ । यो तालिम लिनका चाहनेहरूको शैक्षिक योग्यता भने १० कक्षा पास हुनुपर्छ । उमेर समूह र अन्य कागजात भने अन्य सीप तालिमको जस्तै तोकिएको छ ।

यस्तै प्लम्बर सम्बन्धी सीप तालिम भदौ १८ गतेदेखि काठमाण्डौ र २७ गतेदेखि झापाको बिर्तामोडमा सञ्चालन हुँदै छ । यो तालिम लिनको लागि कक्षा ८ पास भएको हुनुपर्छ भने बाँकी योग्यता र कागजात अरू सीप तालिमको जस्तै तोकिएको छ ।

यसका साथै वैदेशिक रोजगारीमा जाने तयारी गरिरहेका पुरुषहरूका लागि सामीले यही भदौ १८ र १९ गतेदेखि काठमाण्डौमा स्काफोल्डिङ्ग(फलामको पाइपको खट बनाउने) सीप तालिम सञ्चालन गर्ने भएको छ । यो तालिम लिन भने साधारण लेखपढ गर्न जान्ने भए हुन्छ भन्ने अन्य कागजात र प्रक्रिया भने सामीले प्रदान गर्ने अन्य तालिमको जस्तै तोकिएको छ । 

महिलाका लागि छुट्टै दुई सीप तालिम

वैदेशिक रोजगारीमा जान चाहने महिलाका लागि सामीले हाउस किपिङ/क्लिनर र गार्मेन्ट मेशिन अपरेटरको सीप तालिम प्रदान गर्ने भएको छ ।  

हाउस किपिङ/क्लिनरको तालिम भदौ १७ गतेदेखि पोखरामा सञ्चालन हुने भएको छ । हाउस किपिङ/क्लिनरको काम भनेको होटल, सपिङ सेन्टर, अस्पताल तथा ठुला कार्यालयमा अत्याधुनिक मेसिन तथा केमिकलको प्रयोग गरी सरसफाइ तथा सामान मिलाउने काम हो ।  यो तालिम लिनको लागि कक्षा ८ पास भएको हुनुपर्छ भने १९ देखि ३५ वर्ष उमेर समूहको हुनुपर्छ । दुई वर्षभन्दा मुनिका बालबालिका नभएको र राहदानी वा राहदानीको आवेदन दिएको रसिद तथा नागरिकता आवश्यक पर्छ ।

यस्तै भदौ २४ गतेदेखि काठमाण्डौमा गार्मेन्ट मेशिन अपरेटरको तालिम सञ्चालन हुने सामीले जनाएको छ । गार्मेन्ट मेसिन अपरेटरको काम भनेको विद्युतीय सिलाई मेसिनबाट रेडिमेड कपडा तयार पार्ने, सिलाईको गुणस्तर कायम गर्ने र आइरन लगाउने आदी काम पर्छ । यो तालिम लिन १९ देखि ३० वर्ष उमेर र कक्षा ८ पास गरेको हुनुपर्छ । दुई वर्षभन्दा मुनिका बालबालिका नभएको, यसअघि घरेलु कामदारको रूपमा विदेश नगएको हुनुपर्छ भने साथमा राहदानी तथा नागरिक आवश्यक पर्छ । यो तालिम लिएर गार्मेन्ट कामदारको रूपमा जोर्डन देश जान चाहेमा पैसा तिर्न पर्दैन ।

सामीले सञ्चालन गर्ने यी तालिममा विषयगत ज्ञानसँगै तीन दिनको विभिन्न जीवन उपयोगी शिक्षासमेत प्रदान गरिन्छ । जसअन्तर्गत पैसाको सदुपयोग सम्बन्धी ज्ञान अर्थात् वित्तीय व्यवस्थापन, सम्बन्धित देशको भाषा, मौसम तथा कानुनजस्ता विषयमा जानकारी, सही र भरपर्दो रोजगार व्यवसायीको छनौट, स्वास्थ्य सम्बन्धी सचेतना, पारिवारिक व्यवस्थापन र विदेशी भूमिमा घुलमिल हुन सघाउने पक्षहरू समेत पर्छ ।

सामीले गन्तव्य देशमा कामको माग अनुसार वैदेशिक रोजगारीमा जान चाहनेलाई विभिन्न समयमा सीप तालिम प्रदान गर्दै आइरहेको छ । सामी नेपाल सरकार र स्वीस सरकार विकास सहयोग एसडीसीको संयुक्त पहलमा सञ्चालित कार्यक्रम हो । यो कार्यक्रम श्रम रोजगार तथा सामाजिक सुरक्षा मन्त्रालय र १५६ स्थानीय सरकारको नेतृत्व तथा हेल्भेटास नेपालको प्राविधिक सहयोगमा सञ्चालित  छ ।

सीप तालिमबारे थप जानकारीका लागि ९८४०२४८०३४ नम्बरमा सोमबारदेखि शुक्रवारसम्म बिहान ९ बजेदेखि ५ बजेसम्म सम्पर्क गर्न सकिन्छ । आवेदन अनलाइनमार्फत भरेर पनि पठाउन सकिन्छ । 

आवेदन भर्ने फारमका लागि यहाँ क्लिक गर्नुहोस् ।

अन्तिम अपडेट: मंसिर १३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

6 Comments

  • Suman gurung

    Sept. 4, 2023, 9:15 p.m.

    Kitchen helper

  •  0 Reply

  • Sita kandel

    Sept. 4, 2023, 12:34 p.m.

    Cleaner, or kitchen helper or beautisean or garaments operator

  •  0 Reply

  • Deu Kumar Chapagain

    Sept. 3, 2023, 10:53 a.m.

    For kitchen helper

  •  0 Reply

  • Om prakash shirpali

    Sept. 2, 2023, 3:57 p.m.

    I am interest

  •  0 Reply

  • Santosh kumar rana

    Sept. 1, 2023, 7:54 p.m.

    Good

  •  0 Reply

  • Durga magar

    Sept. 1, 2023, 7:02 p.m.

    म ४० बर्ष को भए तर अहिले स्टिङ कारपेन्टर मा बिदेश जान लागेको ले तालिमको आबश्यक्ता छ । ३८ बाट ४० सम्म बनाई दिए म जास्तो अरु ले पनी अबसर पाउथेयोकी

  •  0 Reply

तपाईको प्रतिक्रिया

समाचार

लोकप्रिय

१

‘केयरगिभर’मा उत्तीर्ण भएका सबै नेपाली श्रमिकलाई इजरायलले क्रमशः लैजाने

२

रवि लामिछानेलाई पाेखराबाट काठमाण्डाै ल्याइयाे

३

परराष्ट्रमन्त्री राणा चीन प्रस्थान

४

नेपाली विद्यार्थीका लागि बेलायत असहज बन्दै, काम र कोठाका लागि नै सङ्घर्ष गर्नुपर्ने अवस्था

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई