नेपाल आइडल बुद्ध लामाको ‘रातो टिका’ सार्वजनिक

कात्तिक १८, २०७५ आइतबार १२:५९:४३ | उज्यालो सहकर्मी

नेपाल आइडल सिजन वानका विजेता बुद्ध लामाको आवाजमा रहेको नयाँ गीत सार्वजनिक भएको छ । बसन्त सापकोटाको संगीत तथा प्रभा आचार्यको शब्द रहेको गीतमा बुद्ध लामालाई मेलिना राईले साथ दिएकी छन् ।

चर्चित डान्स ग्रुप भिमफेदी गाइजको आकर्षक नृत्यको साथमा तयार भएको यस भिडियोलाई हास्य टेलि चलचित्र भद्रगोलका काकु अर्थात लेखक तथा निर्देशक दीपक आचार्यले निर्देशन गरेका हुन् ।

नेपाल आइडल भए पश्चात् नेपाली गीतसंगीतमा बुद्ध लामाको दमदार उपस्थिती नभएको गुनासो आइरहेको समयमा आफूले त्यस कुरालाई सम्बोधन गर्नका लागि यो गीत निकालेको बुद्धको भनाई रहेको छ । उनले आफू नेपाल आइडल भए पनि सोचे अनुसार काम गर्न नपाएको गुनासोसमेत गरे ।

यता संगीतकार बसन्त सापकोटाले बुद्ध लामाले नेपाल आइडलको ट्यागबाट माथि उठ्दै सिर्जनाको कारण चिन्ने अवस्था आउनु पर्ने भन्दै यस गीतले केही हदसम्म साथ दिने बताए ।

‘रातो टिका निधारमा टल्क्यो टल टल’ बोलको गीतलाई भिमफेदी गाइजका निर्मल लामाले कोरियोग्राफ गरेका हुन् ।

– उज्यालाे र गफगाफ डटकमकाे सहकार्य

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्