तिहारका लागि मिठाई किन्दै हुनुहुन्छ ? खानै नहुने मिठाई छन् है बजारमा

कात्तिक १९, २०७५ सोमबार १८:३३:१३ | उज्यालो सहकर्मी

भक्तपुर – तिहार सुरु भएपछि सूर्यविनायक नगरपालिकाले आफ्नो नगर क्षेत्रमा गरेको मिठाई पसल अनुगमनका क्रममा ९० प्रतिशत मिठाई भण्डारमा अखाद्य मिठाई बिक्री गरिरहेको पाइएको छ ।

अनुगमन टोलीले अखाद्य वस्तु मिसाएर बनाएको, ढुसी आएको, बिग्रिएको र पुरानो मिठाई तथा मिठाई बनाउन प्रयोग हुने तेल भारी मात्रामा नष्ट गरेको छ ।

अनुगमनका क्रममा सिर्जनानगरस्थित कन्हैया स्वीट एण्ड चाट हाउस, सल्लाघारीको गणपति स्वीट हाउस, लक्ष्मी स्वीट एण्ड चाट हाउस, सूर्यविनायकको गणेश मिठाई भण्डार, सूर्यविनायक मिठाई भण्डार, पाण्डुबजारको जय माता दि स्वीट एण्ड चाट हाउसमा अखाद्य बस्तु मिसाएर मिठाई बनाएको पाइएको हो । दर्ता नभएका र केहीमा दर्ता भए पनि नवीकरण नगरिएको पाइएको थियो ।

तिहारका लागि बनाईएको अधिकांश मठाई पकाउने तेल जा“च गर्दा रानसिड(एसिड) बढी भई गुणस्तरहीन भएको, तेलमा अखाद्य बस्तुको मिसावट भएको, म्याद नाघेको रंग प्रयोग गरेको, आवश्यकता भन्दा अत्याधिक बढी अखाद्य रंग प्रयोग गरिएको, बासी मिठाईहरु र म्याद नाघेको सामानहरु ठूलो मात्रामा जफत गरी नष्ट गरेको अनुगमन समितिको संयोजक एवं उपप्रमुख जुना बस्नेतले जानकारी दिनुभयो ।

अनुमगनमा जेरी, लड्डु, पेडा, बर्फी, पुरी, समोसा, सेल लगायतका विभिन्न प्रकारका मिठाई एवं खाद्यान्न, मिठाई पकाउँने तेल जफत गरी नष्ट गरिएको थियो । सूर्यविनायकको लक्ष्मी मिठाई भण्डार एवं फूड क्याफे र सिद्धिलक्ष्मी मिठाई तथा दही भण्डार अन्यको तुलनामा राम्रो र सफा पाइएको थियो । त्यसैगरी दधिकोटमा रहेको मोर्डन दूग्ध डेरीमा गरिएको अनुगमनमा नगरपालिकामा दर्ता नगरी सञ्चालन गरेको पाइएको छ ।

नगरपालिकाको उपप्रमुख जूना बस्नेतसहित खाद्य प्रविधि तथा गुण नियन्त्रण कार्यालयका प्राविधिक शिवप्रसाद भण्डारी, नवराज आचार्य, नगरपालिका शाखा अधिकृत अनिरुद्र नेपाल, कर्मचारीहरु पूर्णचन्द्र शर्मा, शोभा घिमिरे, सुमित्रा थापा, उपभोक्ता महासंघका प्रतिनिधि लक्ष्मी भण्डारीलगायतको टोलीले अनुगमन गरेको थियो ।

मानवीय जीवनमाथि खेलबाड गरी अखाद्य बस्तु मिसाउँने व्यक्तिलाई ५ हजार रुपैयाँ जरिवाना र ६ महिना कैद सजायको व्यवस्था गरिएको खाद्य प्राविधिक शिवप्रसाद भण्डारीले जानकारी दिनुभयो ।

मिठाई बनाउँदा पाँच केजीमा एक ग्राम मात्रै खान उपयुक्त भनेर प्रमाणित गरेको रंग राख्न पाइने भए पनि व्यापारीले पाँच किलो मिठाईमा १५ ग्रामसम्म रंग प्रयोग गरेको पाइएको उहाँले बताउनुभयो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्