जथाभाबी फोहर फाल्नेबाट वीरगञ्ज महानगरले उठायो २७ लाख रुपैयाँ
चैत १६, २०८० शुक्रबार
न्यूजिल्याण्डको महिला क्रिकेट टिमले एकदिवसीय क्रिकेटमा सवैभन्दा धेरै रन बनाउने कीर्तिमान बनाएको छ।
न्यूजिल्याण्डले शुक्रवार आयरल्याण्डसँगकाे खेलमा एकै पारीमा सर्वाधिक रन बनाउने किर्तिमान बनाएको हो ।
आयरल्याण्ड र इंग्ल्याण्डको भ्रमणमा रहेको न्यूजिल्याण्डको टिमले डब्लिनमा शुक्रबार भएको एकदिवसीय खेलमा ४ सय ९० रन बनाएको थियाे । महिला क्रिकेटमा यसअघि सबैभन्दा बढी रनको कीर्तिमान सन् १९९७ मा न्यूजिल्याण्डले नै बनाएको ४ सय ५५ रनको थियो ।
पाहुना टोली न्यूजिल्याण्डकी कप्तान सुजी बेट्सले ९४ बलमा १ सय ५१ र म्याड्डी ग्रीनले ७७ बलमा १ सय २१ रन बनाए । त्यसैगरी एमेलिया केरले ४५ बलमा अविजित ८१ रनको योगदान दिइन् ।
४ सय ९१ रनको लक्ष्य भेट्न ब्याटिङ गरेको घरेलु टोली ३५ ओभर ३ बलमा १ सय ४४ रनमा अलआउट भयो । फलत: न्यूजिल्याण्ड ३४६ रनको विशाल अन्तरले विजयी भयो । यो अहिलेसम्मको सवैभन्दा फराकिलो अन्तरको जित पनि हो ।
महिला तथा पुरुषका प्रतियोगितामै यो सवैभन्दा फराकिलो जित हो ।
अहिलेसम्मको ठूलो अन्तर दक्षिण अफ्रिकाको नाममा थियो । दक्षिण अफ्रिकाले सन २०१२ मा श्रीलंकालाई २ सय ५८ रनले हराएको थियो । पुरुषतर्फ सवैभन्दा धेरै रनको कीर्तिमान इग्ल्याण्डको नाममा छ । इंग्ल्याण्डले २०१६ मा पाकिस्तान विरुद्ध ४ सय ४४ रन बनाएको थियो ।