क्यालिफोर्नियाकाे अागलागीका कारण लेडी गागा र किम कार्दाशियन पनि घर छोड्न बाध्य

कात्तिक २५, २०७५ आइतबार १७:१५:३८ | उज्यालो सहकर्मी

अमेरिकाको क्यालिफोर्निया प्रान्तमा इतिहासकै सबैभन्दा डरलाग्दो आगो लागेको छ ।

आगलागीमा परेर मर्नेहरुको संख्या २५ पुगेको छ । स्थानीय अधिकारीहरुका अनुसार उद्धारकर्मीहरुले शनिबार १४ ओटा शव फेला पारेका थिए ।

क्यालिफोर्नियाको मालिबु, प्याराडाइज, क्लालाबासस र थाउजेण्ड ओक्स नामक जंगलमा फैलिएको विशाल आगोका कारण लेडी गागा, किम कार्दाशियन तथा रेन विल्सनजस्ता हलिउडका नाम चलेका कलाकारहरु घर छोड्न बाध्य भएका छन् ।

हलिउडका यी नामूद कलाकारहरुबाहेका मालिबुमा बस्ने अन्य सर्वसाधारणहरुलाई त्यहाँबाट हटाएर सुरक्षित स्थानतिर पठाइएको छ ।

स्थानीय अधिकारीहरुका अनुसार यो भयानक आगलागीले सम्पूर्ण प्याराडाइज सहरलाई नै घेरिसकेको छ । क्यालिफोर्नियाका दमकल अधिकारीहरुले बताएअनुसार आगलागीले त्यहाँको ६ हजार ५ सय घर नष्ट गरिसकेको छ ।

यहाँ फैलिएको भयानक आगलागीले सहरमा ८० देखि ९० प्रतिशत नोक्सान पुर्‍याएको छ । सहरभरीमा अब १० देखि २० प्रतिशत घरहरुमात्र सही हालतमा रहेका छन् । वूलसी फायर नाम दिइएको दक्षिणी क्यालिफोर्नियाको आगलागीले करिब २२ वर्गमीलको क्षेत्रलाई अाेगटेकाे जनाइएको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्