सरकारमा गएका नेताहरु सत्ताको मातमा पहिलाका श्री ५ जस्ता देखिन थाले : वैद्य

 कात्तिक २७, २०७५ मंगलबार १८:५:१४ | उज्यालो सहकर्मी
unn.prixa.net

फाइल फाेटाे

काठमाडौं – नेकपा क्रान्तिकारी माओवादीका अध्यक्ष मोहन वैद्य किरणले वर्तमान सरकारले नागरिकको जनजीविका सवाललाई सम्बोधन गर्न नसक्ने भन्दै सबै कम्युनिष्ट पार्टीहरु मिलेर संघर्ष गर्नु पर्ने बताउनु भएको छ ।

नेपाल कम्युनिष्ट पार्टी माओवादी केन्द्रले काठमाडौंमा गरेको चियापान कार्यक्रममा बोल्दै अध्यक्ष  वैद्यले सरकारविरुद्ध कार्यगत एकता गरेर भए पनि संघर्ष गर्नु पर्ने बताउनु भएको हो ।

वर्तमान सरकारको ८ महिनाको कार्य प्रगतिले नागरिकका समस्यामा समाधान नभएको भन्दै अध्यक्ष वैद्यले सबै क्रान्तिकारी एक ठाउँमा आउन आह्वान गर्नुभयो । सरकारमा गएका नेताहरु सत्ताको मातमा पहिलाका श्रीपाँच जस्ता देखिन थालेकोले नागरिकका जनजीविकाको सवाल आन्दोलन मार्फत उठाउन सबै एक ठाउँमा आउनु पर्ने वैद्यलृ बताउनुभयो ।

यस्तै चियापान कार्यक्रममा बोल्दै ने क पा मालेका महासचिव सीपी मैनालीले लिपुलेकबारे सरकारले बोल्न नसक्दा सरकारको देशभक्तिमा शंका उठ्न थालेको भन्दै आरोप लगाउनुभयो ।

महासचिव मैनालीले सरकारबाहिर रहँदा लिपुलेक नेपालको हो भन्दै जनमत बटुल्ने, सरकारमा गएपछि दक्षिण छिमेकी रिसाउला भनेर चुप बसेको हो ? भन्ने प्रश्न गर्नुभयो । 

सरकारको सत्ता नै दक्षिण छिमेकीको टेकोमा अडेको भन्दै यसको देश भक्ति र चरित्रमा शंका उत्पन्न भएको बताउनुभयो । चियापान कार्यक्रममा तत्कालीन माओवादी केन्द्रमा रहेका र माओवादी केन्द्र र नेकपा एमाले एकताबाट असन्तुष्ट नेता कार्यकर्ताहरु सहभागी थिए । 

अन्तिम अपडेट: फागुन २६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भोलि वर्षा गराउने नयाँ प्रणाली भित्रिँदै, चैत १ गतेसम्म हावाहुरी, चट्याङ र केही ठाउँमा असिनाको जोखिम

२

हो नि, राजा त फर्कनैपर्छ गाँठे !

३

संवैधानिक दायराभित्र रहन पूर्वराजालाई दलहरूको आग्रह, जबरजस्ती नगर्न चेतावनी

४

न्युजिल्यान्डलाई हराउँदै भारतले जित्यो च्याम्पियन्स ट्रफीको उपाधि

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई