स्वस्तिमा र आकाश फाइनल भएको चलचित्रमा अब आँचल र पल

कात्तिक २८, २०७५ बुधबार ११:३७:८ | उज्यालो सहकर्मी

चलचित्र जगतमा चर्चित नाम हुन् आँचल शर्मा र पल शाह । बेला बेलामा चलचित्र बजारमा यो जोडी विभिन्न कारणले चर्चामा आउने गरेको छ । केही समय अघि पलसँग सँगै चलचित्रमा अभिनय नगर्ने प्रतिकृया दिएका कारण आँचल शर्मा चर्चामा आएकी थिइन् ।

उनलाई चलचित्र नगरीकै केही नायिकाहरुले व्यंग्य समेत गरेका थिए । कतिपय चलचित्र पण्डितहरुले पल र आँचल अफएयरमा रहेको अड्कल बाजी लगाउने गरेका छन् । अरुले जे जस्तो भने पनि उनीहरुले भने उक्त कुरालाई सार्वजनिक गरेका छैनन् । चलचित्र नगरीमा यति बेला यिनै २ ‘आँप’ जोडीको चर्चा भइरहेको छ ।

चर्चाको मुख्य कारण चलचित्र दालभात तरकारी र विर विक्रम २ हुन् । चलचित्र दालभात तरकारीमा नायिका स्वस्तिमा खड्का पहिले नै फाइनल भइसकेकी थिइन् । तर छायांकन सुरु हने अन्तिम समयमा आएर समय अभावको कारण देखाउँदै स्वस्तिमाले चलचित्रबाट हात झिकिन् । अन्ततः नायिका स्वस्तिमाले गर्ने भनिएको रोल उनले हात झिके सगै आँचल शर्माले गर्ने पक्का भएको छ । उनी चलचित्रमा पुष्प खड्काको जोडीको रुपमा प्रस्तुत हुन लागेको बुभिएको छ ।

यता चलचित्र नगरीमा उनका प्रेमी भनेर चिनिएका नायक पल शाहको केशमा पनि यस्तै कथा दोहोरिएको छ । चलचित्र विर बिक्रम २ का निम्ति सुरुमा नायक आकाश श्रेष्ठ फाइनल भएका थिए ।

तर उनले पनि छायंकन सुरुवातको अन्तिम समयमा आएर हजुरबुवा बिमारी भएका कारण समय दिन नसक्ने बताउँदै चलचित्र बाट हात झिके । र उनले निभाउने पक्का भइसकेको भुमिकामा अब भने पल शाहले काम गर्ने पक्का भइसकेको छ । अरुले नै काम गर्ने पक्का भएको भुमिकामा नै यी जोडि देखिँदै छन् । उनीहरुलाई दर्शकले कत्तिको साथ दिन्छन् त्यो भने समयले बताउने छ ।

– उज्यालो र गफगाफ डटकमको सहकार्य

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्