नेत्रज्योति सङ्घका महासचिव चन्द ‘अन्धोेपन निवारणमा उत्कृष्ट सेवा पुरस्कार’ बाट सम्मानित

फागुन १३, २०८० आइतबार १२:९:२१ | उज्यालो सहकर्मी

काठमाण्डौ – नेपाल नेत्रज्योति सङ्घका महासचिव भरतबहादुर चन्द ‘अन्धोेपन निवारणमा उत्कृष्ट सेवा पुरस्कार’ बाट सम्मानित हुनुभएको छ । इन्डोनेसियाको बालीमा भैरहेको आँखा रोग विशेषज्ञको वार्षिक सम्मेलनमा एशिया–प्यासिफिक एकेडेमी अफ अफ्थाल्मोलोजी (अपाओ) ले उहाँलाई उत्कृष्ट सेवा पुरस्कार प्रदान गरेको हो ।

चन्दले नेपालमा अन्धोपन निवारणमा महत्वपूर्ण भूमिका निर्वाह गरेको भन्दै अपाओले उहाँलाई सम्मान गरेको हो । यो पुरस्कार वार्षिक रुपमा एसिया–प्रशान्त क्षेत्रमा अन्धोपन निवारण गर्न महत्वपूर्ण योगदान गर्ने व्यक्तिलाई प्रदान गर्ने गरिन्छ । चन्दले सङ्घको गुल्मी शाखा सभापति हुँदा जिल्लालाई मोतिविन्दुरहित जिल्ला घोषणा गराउन अभियानको शुरुवात गर्नुभएको थियो ।

नेपाल नेत्रज्योति सङ्घले ४५ वर्षमा झण्डै ४९ लाखको आँखाको शल्यक्रिया भएको जनाएको छ । २०३५ सालमा नेपालमा आँखा उपचार सेवाको विकास र विस्तारको लक्ष्यसहित स्थापना भएको सङ्घले अहिलेसम्म ४८ लाख ६७ हजार ७ सय ७४ जनाको आँखाको शल्यक्रिया भएको जनाएको छ ।

सङ्घ अन्तर्गत अहिले देशभरमा २७ आँखा अस्पताल, एक सय ५४ आँखा उपचार केन्द्र तथा ४४ जिल्ला शाखा सञ्चालनमा छन् । सङ्घअन्तर्गतका आँखा अस्पताल, आँखा उपचार केन्द्रमार्फत् वार्षिक ३० लाख भन्दा धेरै बिरामीको आँखा जाँच हुने गरेको छ । ती उपचार केन्द्र मार्फत् नेपाली नागरिक तथा अन्य विभिन्न देशका नागरिक गरी कुल चार करोड दुई लाख ८६ हजार पाँच जना आँखाका बिरामीलाई आँखा उपचार सेवा प्रवाह भएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्