जानकारी नै नदिई मन्त्रीबाट हटाउँदा नराम्रो लाग्यो : सोडारी

कात्तिक २८, २०७५ बुधबार १४:१९:५५ | उज्यालो सहकर्मी

काठमाडौं – सुदूरपश्चिम प्रदेशका सामाजिक विकासमन्त्रीबाट बर्खास्तीमा परेका नेकपा नेता दीर्घ सोडारीले आफूलाई जानकारी नै नदिई मन्त्री पदबाट बर्खास्त गर्दा नराम्रो लागेको प्रतिक्रिया दिनुभएको छ ।

‘आफूलाई बर्खास्त गर्न लागेको बारे जानकारी दिएको भए राजीनामा दिएर सहयोग नै गर्ने थिए’, सोडारीले भन्नुभयो, ‘तर जानकारी नै नदिई एक्कासि बर्खास्त गर्दा नराम्रो लाग्यो ।’

आफूलाई किन बर्खास्त गरियो भन्नेबारे आफूलाई केही पनि जानकारी नभएको सोडारीले बताउनुभयो ।

मन्त्रीको जिम्मेवारी पनि पार्टीले दिएको र अहिले फिर्ता बोलाउँदा पनि पार्टीले नै निर्णय गरेकाले पार्टीको निर्णय आफूले मान्ने उहाँले बताउनुभयो । ‘पार्टीको निर्णय मैले मात्रै होइन, सबैले मान्नु पर्छ’, उहाँले भन्नुभयो, ‘अबको दिनमा पनि मैले पार्टीको हितका लागि नै काम गर्ने छु ।’

आफ्नो साधारण सदस्यता खोसिएको भनेर पत्रपत्रिकामा आएको खबरबारे भने कुनै जानकारी नभएको उहाँले बताउनुभयो । आफूलाई नेताहरुले मन्त्रीको जिम्मेवारीबाट मात्रै हटाइएको जानकारी दिएको तर पार्टीको सदस्यबाटै हटाइएको भन्नेबारे भने कुनै जानकारी नभएको बताउनुभयो ।

आफू अध्यक्ष भएका बेला पार्टीले पहिलोपटक कैलाली जिल्लामा विजय हात पारेको उहाँले बताउनुभयो । प्रदेश सरकारले ल्याएका लोकप्रिय कार्यक्रममा समेत आफ्नो योगदान महत्वपूर्ण रहेको उहाँको दावी छ ।

तर प्रदेश कमिटी अध्यक्ष कर्णबहादुर थापाले सोडारीले पद अनुकूलको आचरण नगरेको र पटक–पटक पार्टीको सुझाव अटेर गरेकाले पदबाट हटाइएको बताउनुभएको थियो ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्