भारतसँगको ६२ किलोमिटर लामो सीमा क्षेत्रमा राष्ट्रिय झण्डा राख्दै सुनसरी प्रशासन

फागुन १९, २०८० शनिबार १५:१३:२८ | उज्यालो सहकर्मी

सुनसरी – जिल्ला प्रशासन कार्यालय सुनसरीले भारतसँगको सीमा क्षेत्रमा नेपालको राष्ट्रिय झण्डा राख्ने निर्णय गरेको छ ।

जिल्ला सुरक्षा समितिले भारतसँग सीमा जोडिएको सुनसरीको ६२ किलोमिटर क्षेत्रमा राष्ट्रिय झण्डा राख्ने निणर्य गरेको सुनसरीका प्रमुख जिल्ला अधिकारी जयनारायण आचार्यले जानकारी दिनुभयो । काेशी ब्यारेज नजिकैको भाण्टाबारी तीनकुने क्षेत्रबाट औपचारिकरूपमा शुरुवात गरेको अभियानलाई नाकाको सबै क्षेत्रमा अघि बढाइने उहाँले बताउनुभयो ।

नेपाली भूमि जो कोहीले परैबाट चिन्न सकून् भन्ने उद्देश्यसहित सीमामा राष्ट्रिय झण्डा राख्ने निर्णय गरेको प्रमुख जिल्ला अधिकारी आचार्यले बताउनुभयो । भारतसँग सीमा जोडिएको सुनसरीतर्फको ६२ किलोमिटर नाका क्षेत्रका हरेक प्वाइन्ट, बीओपी सहितका सुरक्षा निकायका पोस्ट र खुलारूपमा रहेका हरेक नाकामा राष्ट्रिय झण्डा राखिने उहाँकाे भनाइ छ ।

आचार्यले सीमा क्षेत्रको भूमिमा राष्ट्रिय झण्डा फहराउँदा सीमावासी नेपालीमा राष्ट्रियताको भावना थप उच्च हुने विश्वाससमेत व्यक्त गर्नुभयो । नाकामा राष्ट्रिय झण्डा अभियान अघि बढाएको सुनसरी प्रशासनले दशगजा क्षेत्रमा भारतीय सुरक्षाकर्मीले नेपाली भूमितर्फ बनाएका केही सुरक्षा पोस्ट समेट हटाएको जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्