पाेखरामा माेटरसाइकल दुर्घटना हुँदा दुई जनाकाे ज्यान गयाे

 फागुन १९, २०८० शनिबार १८:२३:११ | उज्यालो सहकर्मी
unn.prixa.net

प्रतीकात्मक तस्बिर

कास्की – पोखरामा आज बिहान मोटरसाइकल दुर्घटना हुँदा दुई जनाको ज्यान गएकाे छ ।

पोखरा महानगरपालिका–७ बुलौदीमा माेटरसाइकल दुर्घटना हुँदा कैलीलीका २८ वर्षीय महेश आचार्य र ३० वर्षीय शैलेन्द्रकुमार उपाध्यायकाे ज्यान गएकाे वडा प्रहरी कार्यालय बैदामले जनाएकाे छ ।

हल्लन चोकबाट जिरोकिलोमिटरतर्फ गुडिरहेकाे बागमती प्रदेश ०२–३४ प ५६२१ नम्बरको मोटरसाइकल सडकको डिभाइडरमा ठाेकिँदा माेटरसाइकलमा सवार आचार्य र उपाध्याय घाइते भएका थिए । उनीहरूकाे उपचारका क्रममा गण्डकी मेडिकल कलेजमा ज्यान गएकाे प्रहरीले जनाएको छ ।

अन्तिम अपडेट: बैशाख ४, २०८१

तपाईको प्रतिक्रिया