माओवादीको पार्टी पदाधिकारी बैठकमा महरा पक्राउ परेको विषयमा छलफल

चैत ६, २०८० मंगलबार १२:३४:७ | उज्यालो सहकर्मी

काठमाण्डौ – माओवादी केन्द्रको पार्टी पदाधिकारी बैठकमा पार्टीका उपाध्यक्ष कृष्णबहादुर महरा पक्राउ परेको विषयमा छलफल भएको छ । आज बिहान प्रधानमन्त्रीको सरकारी निवास बालुवाटारमा बसेको बैठकमा उपाध्यक्ष महरा पक्राउ परेको सम्बन्धमा छलफल भएको हो ।

छलफलपछि पार्टीका प्रवक्ता अग्निप्रसाद सापकोटाले उपाध्यक्ष महरा पक्राउ परेको विषयमा पदाधिकारी बैठकमा छलफल भएको र अर्को बैठक बसेर आवश्यक निर्णय गर्ने बताउनुभयो ।

सुन तस्करी प्रकरणमा हिजो महरालाई प्रहरीले पक्राउ गरेको थियो । प्रहरीको केन्द्रीय अनुसन्धान ब्युरो (सीआईबी) ले महरालाई पक्राउ गरेर हिरासतमा राख्न अनुमति माग गर्दै हिजो नै जिल्ला अदालतमा पेस गरेको थियो ।

जिल्ला अदालत काठमाण्डौले महरालाई चार दिन हिरासतमा राखेर अनुसन्धान गर्न प्रहरीलाई अनुमति दिएको छ । साथै महराको स्वास्थ्य अवस्थाका कारण अस्पतालमा राख्न आदेश दिएको थियो । आदेशपछि महरा काठमाण्डौको थापाथलीमा रहेको नर्भिक अस्पतालमा भर्ना भएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

माओवादीको पार्टी पदाधिकारी बैठकमा महरा पक्राउ परेको विषयमा छलफल

फाइल तस्बिर

तपाईको प्रतिक्रिया