जुम्लाका किसानले बारुवा पर्वका लागि मार्सी धानकाे बीउ भिजाए

चैत १३, २०८० मंगलबार ९:२:३० | उज्यालो सहकर्मी

काठमाण्डौ - जुम्लाका किसानले मार्सी धानका लागि बीउ भिजाएका छन् । बर्सेनि चैत १२ का दिन मार्सी धानका लागि बीउ भिजाएर बारुवा पर्वका रुपमा मनाउने गरिन्छ । यो पर्वका दिन महिलाले मांगल गाउँदै चन्दननाथ, भैरवनाथ, मस्टो, कालिका, मालिका र आफ्ना कुलदेवता सम्झेर मार्सी धानको बीउ राख्ने परम्परा छ ।

जुम्लामा मात्र उत्पादन हुने लोकप्रिय धानमध्ये मार्सी खेतीको झण्डै ७ महिने चक्र शुरु भएको छ । कामविशेषले जिल्लाबाहिर वा मजदुरीका लागि भारत पुगेका स्थानियबासिन्दा मार्सी धान खेतीका लागि चैत १२ अघि नै घर पुग्ने गर्छन् । हरेक वर्ष चैत १२ गते बीउ बोरामा राखेर पानीमा भिजाइन्छ र १६ गते बाहिर निकालिन्छ र २० गते ब्याडमा छरिन्छ ।

वैशाख १ मा बेर्नाको पानी सुकाउने चलन छ । त्यसपछि बीउ हरियो हुन्छ । यो धान पाक्न ७ महिना लाग्छ । पछिल्ला वर्ष बजारमा मार्सी धानको चामल लोकप्रिय बन्दै गएको छ । समुद्री सतहदेखि २ हजार ८ सय ५० मिटर उचाइमा फल्ने मार्सी धानको उत्पादनमा भने रोगकिराको प्रकोप तथा अरु विभिन्न समस्या रहेका जिल्ला कृषि विकास कार्यालय जुम्लाले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जुम्लाका किसानले बारुवा पर्वका लागि मार्सी धानकाे बीउ भिजाए

फाइल तस्बिर

तपाईको प्रतिक्रिया